Fota: Wikimedia Commons

Fota: Wikimedia Commons

25-hadovaja miedsiastra Džardžyna Hrej i 26-hadovaja stamatołah Chelen Makivier spakojna žyli razam užo dva hady, ale pačynajučy z sakavika hetaha hoda da ich voknaŭ stali prylatać čajki. Z taho momantu kožnuju ranicu, dzień i viečar ptuški niaspynna sprabujuć trapić u ich kvateru. 

Hetyja sproby adbyvajucca štodnia stroha z 6.30 ranicy da 6.30 viečara i supravadžajucca žorstkim stukańniem pa škle i dzikimi, zadušlivymi krykami. 

«My nie viedajem, čaho jany chočuć. Heta jak u niejkim filmie žachaŭ: jany prosta siadziać ceły dzień, dzika kryčać, dziaŭbucca tak mocna, što až škło ledź vytrymlivaje, i viartajucca na nastupnuju ranicu a pałovie na siomuju. Heta poŭny kašmar», — paskardzilisia dziaŭčyny.

Pa ich słovach, suprać čajek nie dapamahali ni vyjavy katoŭ na voknach, ni šypy suprać ptušak. Tyja prosta skidali ich preč i praciahvali rabić toje, što i raniej.

Chelen i Džardžyna taksama źviartalisia pa dapamohu da haradskich uładaŭ, ale tyja admovili, spasłaŭšysia na «achoŭny» status» čajek navat pry ŭmovie ŭźniknieńnia z-za ich šumu ci biesparadkaŭ.

«My navat ad adčaju vyrašyli zahuhlić, kolki žyvuć čajki, sa spadzievam na toje, što jany prosta chutka zahinuć, ale jany žyvuć cełych 20 hadoŭ!» — aburana adznačyli dziaŭčyny.

Pryčyna hetaj anamalii dahetul nieviadomaja. Dziaŭčyny vielmi bajacca, što adnojčy ptuškam udasca prabracca ŭ ich dom i ŭčynić chaos.

«Kali heta adbudziecca, my adrazu adtul pierajedziem, a kvatera zastaniecca hetym žachlivym ptuškam», — padsumavali Chelen i Džardžyna.

Čytajcie taksama:

Zorka instahrama ŭkrainski kot Ściapan ciapier žanaty

Indyjca, jaki spraŭlaŭ patrebu na rejkach, zabiła karovaj

Vy nie pavierycie, jak marskija słany śpiać pad vadoj

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?