Supracoŭniki ŭpraŭleńnia pa supraćdziejańni kibierzłačynnaści UUS Minščyny spynili dziejnaść 21-hadovaha žychara stalicy, jaki vioŭ niezakonnuju pradprymalnickuju dziejnaść pa abarocie kryptavaluty, paviedamlaje pres-słužba MUS.
Z kastryčnika minułaha hoda pa luty hetaha hoda małady čałaviek zarabiŭ 1,8 miljona rubloŭ na kupli-prodažy tokienaŭ. Pa takoj ža schiemie 24-hadovy minčuk za čatyry miesiacy atrymaŭ dachod 1,2 miljona rubloŭ.
Za niezakonnuju pradprymalnickuju dziejnaść parušalnikam pahražajuć bujnyja štrafy, a taksama viartańnie ŭ dachod dziaržavy ŭsioj sumy, jakaja prajšła praź ich kryptakašalki.
Zakonam dazvoleny majninh, nabyćcio, adčužeńnie tokienaŭ fizičnymi asobami ŭ asabistych metach. Adna z umoŭ — nie budavać na hetym biznes. Pradprymalnictva ŭ hetaj śfiery dla fizičnych asob zabaroniena.
Akramia taho, takaja dziejnaść moža paciahnuć za saboj kryminalnuju adkaznaść za saŭdzieł u złačynstvie — admyvańni abo pieravodzie hrašovych srodkaŭ machlaroŭ, narkahandlaroŭ, asob, jakija majuć dačynieńnie da ekstremizmu ci teraryzmu.
Čytajcie taksama:
U Aŭstryi biełarus na fury ŭrezaŭsia ŭ lehkavik, za rulom jakoha byŭ 87-hadovy miascovy žychar
Niećviarozy padletak paškodziŭ try aŭtamabili ŭ Minsku
U Dziusieldorfie biełarus paraniŭ žonku nažom. Jaho łavili 10 palicejskich mašyn
