Fota ilustracyjnaje
Stała viadoma, što apošnim čałaviekam, jaki bačyŭ dziaŭčynu žyvoj, byŭ 27-hadovy minčuk. Jon zabraŭ jaje na aŭtamabili i pryvioz da siabie dadomu, u pryvatny siektar. Jany praviali razam noč, a ranicaj, jak zapeŭnivaŭ chłopiec, dziaŭčyna pajšła, i bolš jon jaje nie bačyŭ, piša milicejskaja hazieta «Na stražie».
Kamiery videanazirańnia paćvierdzili, što dziaŭčyna nasamreč pryjazdžała da mužčyny, ale paśla hetaha źnikła. Sam ža jon na nastupny dzień čamuści jeździŭ u pryharadnuju viosku Karaloŭ Stan.
Pravierka na palihrafie pakazała, što chłopiec chłusić, i ŭrešcie jon vymušany byŭ raskazać, jak usio było nasamreč. Pavodle jaho, jon pryvioz dziaŭčynu da siabie. Tam jany vypili i lahli spać. A ranicaj, kali jon pračnuŭsia, pabačyŭ, što dziaŭčyna ŭ łožku niežyvaja.
Chłopiec spałochaŭsia, što jaho abvinavaciać u zabojstvie, i vyrašyŭ pazbavicca ad cieła. Pad viečar jon apranuŭ zahinułuju, vynies u dvor i pasadziŭ na pasažyrskaje siadzieńnie svajoj mašyny. Zatym vyviez cieła z horada i vykinuŭ u jamu na śmietniku, nakryŭšy dyvanom i zakidaŭšy halinkami dreŭ.
Śledčyja znajšli na śmietniku źnikłuju i pravieryli pakazańni, jakija całkam paćvierdziłasia. Patołahaanatam paćvierdziŭ, što pryčynaj śmierci dziaŭčyny stała chvaroba i ałkahol, prykmiet ža kryminału vyjaŭlena nie było. Rany ž, jakija źniaviečyli cieła dziaŭčyny, byli naniesienyja źviarami.
Jakuju adkaznaść za sproby schavać cieła budzie nieści chłopiec, u publikacyi nie ŭdakładniajecca.
Čytajcie taksama:
Biełarus i ŭkrainka zahinuli ŭ aŭtakatastrofie, jedučy sa spatkańnie
U Białyničach rabotnica doma-internata krała hrošy z kartak starych i invalidaŭ
U Aŭstryi biełarus na fury ŭrezaŭsia ŭ lehkavik, za rulom jakoha byŭ 87-hadovy miascovy žychar
