Ilustracyjnaja vyjava. Fota: pixabay

Ilustracyjnaja vyjava. Fota: pixabay

ZŠA pačali razhortvać va ŭsioj Ukrainie ŭłasnuju sistemu vyjaŭleńnia vybuchaŭ jadziernych udaraŭ i «brudnych bombaŭ». Datčyki dapamohuć dakładna vyznačyć rasijski śled u patencyjnym jadziernym napadzie na Ukrainu. Pra heta 28 krasavika paviedamiła vydańnie The New York Times.

Jak adznačajuć vydańniu śpiecyjalisty Hrupy avaryjnaj jadziernaj padtrymki (Nuclear Emergency Support Team, ci prosta NEST), jakija padparadkoŭvajucca Nacyjanalnamu upraŭleńniu pa jadziernaj biaśpiecy Minenierha ZŠA, Ukraina maje surjoznuju ryzyku być atakavanaj rasijskaj zbrojaj masavaj parazy ŭ adkaz na pośpiechi budučaha ŭkrainskaha kontrnastupu.

Hałoŭnaja niebiaśpieka ŭ tym, što Rasija moža pravieści apieracyju pad čužym ściaham, kab paźbiehnuć adkaznaści za ŭžyvańnie jadziernaj ci «brudnaj» zbroi.

«Naprykład, Maskva moža iłžyva śćviardžać, što Kijeŭ nanios jadzierny vybuch pa poli boju, kab prymusić nie achvočy da taho Zachad napramuju ŭpisacca ŭ vajnu. Ale tearetyčna, majučy sietku datčykaŭ na miescy, Vašynhton zmoža zrabić svoj analiz krynic jadziernaha napadu, kab pakazać, što napadnikam nasamreč była Maskva», — piša The New York Times sa spasyłkaj na śpiecyjalistaŭ NEST.

Analityki ŭpeŭnieny, što navina ab raźmiaščeńni amierykanskich datčykaŭ vyjaŭleńnia krynic jadziernaj pahrozy moža prymusić Rasiju pierahledzieć svaje płany adnosna naniasieńnia ŭdaru masavaha paražeńnia (prynamsi, pad čužym ściaham).

Sistema ŭ vypadku ŭdaru dazvolić adrazu adpravić usie najaŭnyja analityčnyja danyja ŭ ZŠA dla chutkaha vyznačeńnia krynicy napadu. Heta dapamoža chutka pryniać rašeńnie nakont efiektyŭnaj dapamohi Ukrainie i jaje nasielnictvu ŭ baraćbie z nastupstvami prymianieńnia zbroi masavaha paražeńnia (nie kažučy pra dapamohu vajennaha charaktaru).

Čytajcie taksama:

U vypadku abmiežavanaj jadziernaj vajny pa jakich abjektach u Biełarusi i susiednich krainach mohuć bić?

Fiziki nazvali miesca ŭ pamiaškańni, dzie najlepš chavacca ad udarnaj chvali pry jadziernym vybuchu

Kiraŭnik raźviedki, jakaja pieršaj pradkazała napad Rasii ŭ detalach: «Ukraina pieramoža, a Rasija nie vykarystaje jadziernaj zbroi»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?