Hramadskaja kampanija «Hodna» padrychtavała padrabiaznuju instrukcyju nakont taho, jak achviaravać častku svaich padatkaŭ na dziejnaść NDA, zarehistravanaj u Litvie. Heta ŭsiaho 10 krokaŭ, kožny ź jakija padrabiazna raśpisany, i my ŭpeŭnienyja, što dziakujučy hetaj instrukcyi, vam budzie vielmi lohka ŭziać udzieł u supolnaj spravie biełarusaŭ, piša Motolko.help.

I jašče, pierad pačatkam važny dyskłejmier:

Heta nie dadatkovy adsotak da vašych padatkaŭ, a častka ad padatku, jaki vy płacicie.

Krok 1. Idziom na vmi.lt i ŭvachodzim u sistemu

Zachodzim na sajt vmi.lt/evmi/, naciskajem Mano VMI i ŭvachodzim u sistemu praz mabilny podpis albo vaš bank.

Paśla hetaha treba ŭvajści ŭ sistemu z dapamohaj vašaha mabilnaha podpisu

Paśla hetaha treba ŭvajści ŭ sistemu z dapamohaj vašaha mabilnaha podpisu

Krok 2. Idziom u EDS

Naciskajem uviersie na punkt VMI sistemos, vypadaje akienca siniaha koleru, dzie abirajem EDS (sistema elektronnych dekłaracyj). Jana musić adkryjecca ŭ novym aknie ŭ vašym braŭziery.

Krok 3. Deklaravimas i Pildyti forma

Na sajcie EDS uviersie naciskajem na punkt Deklaravimas. Dalej hladzim na mieniu źleva i znachodzim punkt Pildyti forma.

Krok 4. Prašymas skirti paramą

Kali my adkryli Pildyti formą, šukajem punkt Prašymas skirti paramą i naciskajem tudy.

Krok 5. Šukajem formu FR0512 v.5

Dalej u nas musić źjavicca tablička z formaj, jakaja maje kod FR0512 v.5. Mienavita jana nam i patrebnaja, kab pačać jaje zapaŭnieńnie, naciskajem na hłobus.

Naciskajem na hłobus

Pačynajecca zahruzka formy, i pakul krychu raspaviadziom, jak heta pracuje i navošta patrebnaje. Pa-pieršaje, u Litvie možna častku sa svaich padatkaŭ pieraličvać hramadskim abjadnańniam, partyjam i prafsajuzam. 

  • Hramadskim abjadnańniam — 1,2%
  • Partyjam — 0,6%
  • Prafsajuzam — 0,6%

Hetaja dekłaracyja zapaŭniajecca vielmi prosta, ale krajni termin — 2 traŭnia. Achviaravańni na rachunak arhanizacyi buduć zaličanyja tolki paśla apracoŭki padatkovaj danych, to-bok u červieni—lipieni.

Kali vy nie zapaŭniajecie hetuju dekłaracyju, to hrošy sychodziać dziaržavie. Tamu zapaŭnieńnie nie abaviazkovaje, ale heta davoli prosty i pryjemny sposab dla biełarusaŭ padtrymać adno adnaho. Nu, praciahvajem. 

Krok 6. Pačynajem zapaŭniać

Forma zahruziłasia. Pačynajem zapaŭnieńnie dekłaracyi i naciskajem Pradėti (vialikaja zialonaja knopka).

Krok 7. Uvodzim numar arhanizacyi, jakuju budziem padtrymlivać

Uvodzim rehistracyjny numar arhanizacyi. Kali numar budzie ŭviedzieny, vyśviecicca nazva arhanizacyi, na jaje treba budzie nacisnuć, i paśla naciskajem Tęsti (dalej).

Krok 8. Paznačajem, što addajom 1,2%

Dalej prapisvajem, jaki adsotak sa svajho padatku my addajom hetaj arhanizacyi. Kali heta NDA — 1,2%. Apošni radok zapaŭniać nie abaviazkova. Ale kali chočacie, to tut možna paznačyć na što mienavita vy chočacie, kab pajšoŭ vaš uniosak. Paśla naciskajem Išsaugoti (zachavać).

Krok 9. Amal finiš

Spraŭdžvajem, ci ŭsio pravilna zapoŭniena i padajom dekłaracyju. Tam, dzie na vyjavie čorny kvadrat, u vas budzie napisanaja nazva arhanizacyi i jaje rehistracyjny kod. Naciskajem Taip, teisingi (Tak, usio pravilna).

Krok 10. Finiš

I narešcie, apošni krok, zachoŭvajem svoj zapyt, naciskajem Formuoti prašymą.

Vinšujem! Kali vy dajšli na hetaha momantu, to vy paśpiachova padali dekłaracyju ŭ Litvie i padtrymali biełaruskija niezaležnyja arhanizacyi, ci kahości inšaha.

Što vy možacie zrabić dalej? U vypadku, kali vy padtrymali partniorskija ŭstanovy «Novaj Biełarusi», to vy možacie aŭtaryzavacca na ich sajcie i dasłać im skryn (schavajcie asabistyja danyja na skrynšocie) zapoŭnienaj dekłaracyi.

Paśla čaho vy atrymlivajecie list z zaprašeńniem u zakrytuju supołku dla fundataraŭ i fundatarak, dzie budziecie razam vyrašać, na što nakiravać ahulnyja hrošy. Vosieńniu vy prymajecie kančatkovaje supolnaje rašeńnie, kudy pojduć ahulnyja srodki i nazirajecie, jak vyrašajecca abranaja vami prablema.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?