Fota: pixabay
Da krasavika ŭ Niderłandach dziciačaja eŭtanazija była mahčymaj u redkich vypadkach dla dziaciej małodšaha ŭzrostu (da hoda) i niekatorych padletkaŭ starejšaha ŭzrostu. Dahetul ža adzinaj krainaj u śviecie, dzie była dazvolenaja takoha rodu miedyčnaja dapamoha dla dziaciej da 12 hadoŭ, była Bielhija.
U 2014 hodzie Bielhija admianiła nižni ŭzrostavy cenz dla dostupu da dobraachvotnaj eŭtanazii. Heta aznačaje, što tearetyčna bielhijskija dzieci va ŭzroście da 12 hadoŭ mohuć zapytvać padobnuju dapamohu ŭ stroha abmiežavanych abstavinach, u tym liku kali jany pakutujuć ad nievylečnaj chvaroby, adčuvajuć mocny bol, jaki niemahčyma palehčyć, mohuć razumieć svaje abstaviny i pry hetym ich baćki zhodnyja. Pryčym heta nie raspaŭsiudžvajecca na dziaciej, jakija zanadta małyja abo vielmi chvoryja, kab samastojna prymać rašeńni.
Što tyčycca Niderłandaŭ, to jašče ŭ 2005 hodzie tamtejšyja lekary i jurydyčnyja ekśpierty apublikavali rekamiendacyi (tak zvany «Hroninhienski pratakoł»), jakija ŭdakładniajuć vyklučnyja abstaviny adnosna dziaciej va ŭzroście da adnaho hoda: heta ŭpeŭnienaść u dyjahnazie i prahnozie, «bieznadziejnyja i nievynosnyja pakuty», zhoda abaich baćkoŭ i metazhodnaść, paćvierdžanaja niezaležnym lekaram.
Novyja niderłandskija praviły dazvolać užyvać tyja ž pryncypy da dziaciej va ŭzroście ad ad 1 da 12 hadoŭ. Takim čynam, u adpaviednaści z prapanovaj aktyŭnaje spynieńnie žyćcia dziciaci va ŭzroście da 12 hadoŭ u Niderłandach pa-raniejšamu zastaniecca supraćzakonnym, adnak pałažeńnie ab fors-mažornych abstavinach daje prakuratury prava nie pryciahvać doktara da sudovaj adkaznaści ŭ vyklučnych vypadkach.
The Conversation raspaviadaje, što z momantu pryniaćcia bielhijskaha zakona było zarehistravana tolki čatyry vypadki dapamohi pry śmierci niepaŭnaletnich (va ŭzroście da 18 hadoŭ). U niderłandskim ža daśledavańni, praviedzienym pa zamovie Ministerstva achovy zdaroŭja Niderłandaŭ i apublikavanym u 2019 hodzie, vykazvałasia mierkavańnie, što prava na takuju mahčymaść moža mieć ad piaci da dziesiaci dziaciej štohod u Niderłandach.
Samo saboj, nie spyniajucca i etyčnyja debaty vakoł takoj tonkaj temy. Krytyki, u pryvatnaści, śćviardžajuć, što takija miery pryviaduć da značna bolšaj kolkaści prablemnych vypadkaŭ. Adnak spravazdačy ź Niderłandaŭ pakazvajuć, što ź ciaham času, naadvarot, adbyłosia ich značnaje skaračeńnie, a nie pavieličeńnie. Tak, pa słovach ministra achovy zdaroŭja Niderłandaŭ, z 2007 hoda było zarehistravana tolki dva vypadki ŭ adnosinach da dziaciej va ŭzroście da hoda.
Pakul u bolšaści krain varyjant eŭtanazii niezakonny, navat kali i baćki, i daktary miarkujuć, što heta było b najbolš prosta i dobra dla śmiarotna chvoraha dziciaci, praciŭniki i prychilniki mohuć syścisia, badaj što, u adnym — u spadziavańni, što ŭ najbližejšaj budučyni padobnyja miery buduć patrebnyja nadzvyčaj redka ci stanuć niepatrebnyja zusim.
Čytajcie taksama:
