Amal minus 5°S na poŭnačy Biełarusi i minus 3,5°S u Minsku, paviedamlaje telehram-kanał «Nadvorje».
Nastupnyja dni radaści taksama nie pryniasuć, z sumam paviedamlaje Biełhidramiet.
7 maja nadvorje budzie vyznačać chałodny antycykłon z centram nad Estonijaj, tolki pa krajnim paŭdniovym zachadzie krainy adabjecca ŭpłyŭ atmaśfiernaha frontu. Prahnazujecca biez apadkaŭ, tolki ŭ vakolicach Bresta projduć daždžy.
Unačy na bolšaj častcy terytoryi krainy buduć adznačacca zamarazki 0..-5°S, tolki ŭ vakolicach Bresta + 1..+ 5°C; dniom budzie +9..+15°S. U Minsku nočču da minus 3°S, udzień maksimalna +12°S.
I 8—9 maja nadvorje budzie vyznačać chałodny skandynaŭski antycykłon, ale centr jaho pieramieścicca z poŭnačy Bałtyjskaha mora na Smalenskuju vobłaść.
Unačy 8 maja zamarazki da minus 5°S, dniom + 11..+17°S.
9 maja budzie biez apadkaŭ. Zamarazki ŭžo mienšyja, da minus 3°S, dniom užo ciaplej da + 13..+18°S.
U druhoj pałovie tydnia stanie ciaplej. Ad piatnicy ŭ Minsku prahnazujecca +18°S.
otvratitielno