Mikałaj Klimovič. Fota: jahony fejsbuk

Mikałaj Klimovič. Fota: jahony fejsbuk

«Jon vielmi adkryty i naiŭny, jak dzicia. Mikałaj šmat pisaŭ ab tym, što adbyvałasia vakoł nas.

Znajomyja kazali, što treba trochu prypynicca i nie pisać abo nie pisać tak šmat pad svaim imiem. A jon kazaŭ, što nie zdolny [rabić] pa stanie zdaroŭja ničoha inšaha, ale maŭčać prosta nie moža. Voś za hetyja dopisy jaho i ŭziali», — kaža jaho znajomy.

Mikałaj Klimovič i Dźmitryj Kałdun. Fota: jahony fejsbuk

Mikałaj Klimovič i Dźmitryj Kałdun. Fota: jahony fejsbuk

Błohierstvam Mikałaj zajmaŭsia ledź nie 20 hadoŭ. Chadziŭ na sudy da inšych ludziej. U 2022-m jamu spatrebiłasia apieracyja na sercy. Hrošy jamu na reabilitacyju sabrali tałakoj.

«Doŭhi čas jamu nie davali pracaŭładkavacca. Jon žyŭ tym, što abrablaŭ aharod i handlavaŭ svajoj sadavinoj. Ludzi čas ad času dapamahali.

Chadzili čutki, što byŭ asabisty zahad Valanciny Kułak, zahadčycy adździeła ideałohii Pinskaha harvykankama, što kali niechta voźmie Mikałaja na pracu, to jany paśla ni žyć, ni pracavać u Pinsku nie buduć. I bajalisia, nivodnaja ŭstanova jaho na pracu nie brała — horad ža maleńki.

A ŭ 2020 hodzie na jaho nakłali šmat štrafaŭ, i jon byŭ vyhulvaŭ sabak, kab trochu zarabić. Vioŭ nie žyćcio, a vyžyvańnie faktyčna.

Kali b jon pakajaŭsia i staŭ na kaleni, to jaho b «pamiłavali», ale Mikałaj nie zmoh by z hetym žyć. Jahonyja idei jamu byli bolš važnyja za svajo žyćcio», — kaža inšy pryjaciel Mikałaja.

Mikałaj Klimovič. Fota: jahonaja staronka «Ukantakcie»

Mikałaj Klimovič. Fota: jahonaja staronka «Ukantakcie»

Jašče adzin znajomy raspaviadaje, što jaho brutalna zatrymalivali ŭ 2022 hodzie:

«Pryjechaŭ HUBAZiK, Mikałaja mocna źbili. Ale kali jaho zavieźli na IČU, to jamu stała vielmi drenna i milicyjanty źlitaścilisia i vyklikali chutkuju. Paśla kazali, što kab nie vyklikali, to jon by nie pieražyŭ hetuju noč».

Tym razam sudździa Byčyła daŭ jamu štraf za repost vyjavy Pucina ŭ fašysckim kaściumie. «Choć Mikałaju było ciažka jaho pahasić, heta lepš za aryšt, — praciahvaje surazmoŭca. — Praź niejki čas jaho vyklikali ŭ Śledčy kamitet i skazali, što suprać jaho zaviedzienaja kryminalnaja sprava za łajk pad karykaturaj na Łukašenku ŭ «Adnakłaśnikach», ale jaho pakidajuć pad padpiskaj ad niavyjeździe.

Jon vieryŭ u niejkuju spraviadlivaść, bo nie ličyŭ, što zrabiŭ niešta takoje, za što zasłuhoŭvaŭ kałonii. Kali prakuror zaprasiŭ hod kałonii, jon vielmi spužaŭsia i ŭsim kazaŭ, što pamre tam. Siabry jaho suciašali jak mahli, ale ŭsie razumieli, čym heta moža skončycca.

I kali Mikałaja ŭziali pad vartu ŭ zali suda, to jon byŭ šakavany, kazali, što ŭ jaho byŭ taki vyraz tvaru, byccam jon śpić i sprabuje pračnucca ad niejkaha kašmaru. Spadziavalisia, što budzie apielacyja i jamu źmieniać pakarańnie na chatniuju chimiju. Hetaha nie adbyłosia».

Mikałaj Klimovič. Fota: jahonaja staronka «Ukantakcie»

Mikałaj Klimovič. Fota: jahonaja staronka «Ukantakcie»

Suviaź ź Mikałajem siabry zhubili paśla apielacyi 21 krasavika. Spačatku nie turbavalisia, bo viedali, što padčas etapu moža abryvacca suviaź na niekalki tydniaŭ. 

Padčas etapu ŭ kałoniju mužčynu vieźli praz usiu krainu. Pierad hetym jon zatrymaŭsia ŭ viciebskim SIZA, jakoje viadoma žorstkimi ŭmovami. 

Siabram paviedamili, što jon pamior 6 maja, amal adrazu paśla pryjezdu ŭ kałoniju. Kali siabry jaho šukali, to im adkazvali, maŭlaŭ, čakajcie, jak pryjedzie ŭ kałoniju, dašle vam list. Zamiest lista pryjšła pachavalnaja.

Čytajcie taksama:

«Cichi čałaviek ź miakkim hołasam». Chto tyja sudździa i prakuror, jakija adpravili ŭ kałoniju błohiera Klimoviča — palitviaźnia, jaki pamior za kratami

Pakarali za łajk pad karykaturaj Łukašenki. Što viadoma pra palitviaźnia Mikałaja Klimoviča, jaki pamior u kałonii

Kolki palitviaźniaŭ pamierła ci źviało rachunki z žyćciom praź nievynosnyja ŭmovy za kratami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?