Fota: tvitar polskaj Pamiežnaj słužby
Jak zajaŭlajuć aktyvisty pravaabarončaj arhanizacyi Grupa Granica, hrupa mihrantaŭ choć i znachodzicca pa-za miežami polskaj pamiežnaj ściany, ale ŭsio ž jurydyčna jany ŭžo na terytoryi Polščy, tamu mohuć padavacca na mižnarodnuju abaronu i majuć prava trapić u krainu.
Ale dla hetaha nieabchodna zhoda polskaj Pamiežnaj słužby, jakaja ŭ vypadku admovy budzie vymušanaja vyhnać ludziej na biełaruskuju terytoryju, dzie, pa słovach mihrantaŭ, ich čakaje rasprava.
«U Biełarusi im niebiaśpiečna. U ich hrupie jość chvoryja dzieci, a biełaruskija śpiecsłužby, pa śviedčańniach mihrantaŭ, prama pahražajuć im źbićciom i navat zabojstvam. Tamu ludziej treba terminova puskać, bo jany na polskaj terytoryi i zhodnyja na padaču dakumientaŭ na mižnarodnuju abaronu», — raskazali aktyvisty Grupa Granica ahienctvu Associated Press.
Na hety momant hrupa mihrantaŭ usio jašče zastajecca ŭ pamiežžy i čakaje rašeńnia polskaha boku.
Nahadajem, što režym Łukašenki ŭ adpłatu za padtrymku biełaruskaj hramadzianskaj supolnaści z boku krain Zachadu ŭ 2021 hodzie spravakavaŭ mihracyjny kryzis na ŭschodniaj miažy Jeŭrasajuza.
Mihrantaŭ ź Bližniaha Uschodu, Azii i Afryki padmanam zavablivali ŭ Biełaruś nibyta dla bolš lohkaha i dastupnaha maršrutu ŭ Jeŭropu, adnak ludzi ŭ vyniku akazvalisia ŭ pastcy miž dvuch ahnioŭ: krainy Jeŭrasajuza pačali budavać ścieny i nie puskali mihrantaŭ, a režym Łukašenki ŭ toj ža čas śpiecyjalna padhaniaŭ ludziej na pierachod miažy ES, nie dazvalajučy viartacca i pahražajučy im represijami.
Hetyja sproby destabilizavać miažu choć i źmienšylisia pa maštabie, ale praciahvajucca da hetaha času. U lasach i bałotach na zachadzie Biełarusi praciahvajuć znachodzić trupy mihrantaŭ, a sami biežancy časam adkryta atakujuć zachodnich pamiežnikaŭ.
Čytajcie taksama:
Chvala emihracyi ŭ 2021—2023 hadach — samaja vialikaja ŭ historyi Biełarusi. Ličby
U Polščy zatrymali arhanizatara nielehalnaj mihracyi ź Biełarusi
