Učora milicyjant z apieratyŭnaha adzieła Kastryčnickaha RAUSa Mahilova pa WhatsApp zvaniŭ byłomu palitviaźniu Valancinu Łabačovu, asudžanamu da 1 hoda i 6 miesiacaŭ pazbaŭleńnia voli za abrazu Łukašenku. Termin jon adbyvaŭ u navapołackaj PK №1. Valancin vyjšaŭ na volu 17 lutaha 2023 hoda. Były palitviazień pakinuŭ Biełaruś 5 krasavika, piša «Viasna».
Milicyjant pa telefonie zapytaŭ u byłoha palitviaźnia, ci žyvie jon u Polščy i ci źbirajecca jon viartacca ŭ Biełaruś. Valancin rastłumačyŭ jamu, što papiaredziŭ inśpiekcyju i napisaŭ zajavu, što źjazdžaje u Polšču na hod. Na heta jamu supracoŭnik skazaŭ, što ich abaviazali štotydzień telefanavać i praviarać.
«Chutčej za ŭsie, milicyja tak zacikaviłasia mnoj paśla maich vystupaŭ i intervju. Vidać, mianie ŭžo čakajuć u Biełarusi», — kaža Valancin.
Čytajcie taksama:
U Homieli zatrymali nie mienš za piać čałaviek
Polšča ŭviała za Pačobuta novyja sankcyi suprać biełaruskich čynoŭnikaŭ i siłavikoŭ
