U instahramie Sienin apublikavaŭ dźvie pracy. Fatahrafiju pieršaj fihurki — tanka — mastak vykłaŭ 9 maja. U podpisy jon napisaŭ: «Sa śviatam! Z Dniom Pieramohi!» — i pastaviŭ chešteh #nietvojnie.
Praź niekalki dzion u akaŭncie Sienina źjaviłasia druhaja praca «Sałdat pośpiechu» — fihurka čałavieka ŭ kascy.
«Afhanistan, potym dźvie čačenskija vojny. Heta ŭžo čaćviortaja vajna, jakuju ja zastaŭ, atrymoŭvajecca. Scenary nie identyčnyja, viadoma, ale paralelaŭ dosyć. Čamuści ludzi nie žadajuć sčytvać hetyja paraleli i vierać u toje, što im ljuć u vušy Sałaŭjoŭ i Skabiejeva. <…>
Kali ŭžo ŭ ich adkryjucca vočy?! Kali jany zrazumiejuć, što ŭ hetych vojnach jany prosta farš», — padpisaŭ fatahrafiju mastak.
«Ja vyrašyŭ vybrać farš u jakaści materyjału jak prosty i zrazumieły vizualny vobraz — heta mietafara ŭzajemaadnosin ułady i naroda, dzie ludzi — heta raschodny materyjał i farš na vajnie.
Ja liču, što žyćcio nie pavinna być raźmiennaj manietaj u palityčnych hulniach. Ludzi stanoviacca instrumientam, a kaštoŭnaść čałaviečaha žyćcia źviedzienaja da nula. Dla mianie być mastakom — heta pošuk cikavaj formy dla vykazvańnia. U svaich pracach ja zadaju pytańni ŭ iraničnaj formie, a kožny ŭbačyć svoj sens sam», — raskazaŭ jon vydańniu «Bumaha».
