Ilustracyjnaje fota: vajskovaja čaść 30151
«U małodšym aficerskim składzie było bolš volnych nastrojaŭ»
Kankretna pa svajoj śpiecyjalnaści Uładzisłaŭ šmat čamu navučyŭsia, ličyć jon.
Jakuju śpiecyjalnaść atrymaŭ, jon nie raskryvaje ŭ metach biaśpieki, ale ŭ jaho ciapier jość «nie ŭniviersalnyja navyki».
«Nie skažu, što zusim bieskarysnaje miesca, — kaža jon. — Chacia šmat u čym hety praces zatarmožvajecca. Jaho možna było b zrabić lepšym.
Biaruć ciapier praktyčna ŭsich, patrabavańniaŭ stanovicca mienš, i ja heta źviazvaju ź niedaboram. Šmat traplaje niezdarovych ludziej, jakija potym chodziać pa miedpunktach. Praz heta ich tam potym pačynajuć praklinać. Pryzyvajuć, naprykład, pacana z hryžaj, jon nie moža nasić braniu. Našto tady brali jaho?»
Uvieś čas, pakul Uładzisłaŭ słužyŭ, praskokvała tema Ukrainy, vajny. Jaje abmiarkoŭvali šmat.
«Asabliva aktyŭna pra heta kazali ŭ kastryčniku minułaha hoda, paśla vybuchu na krymskim moście. Jašče tady stvaryli sajuznuju hrupoŭku vojskaŭ, i ŭ nas byŭ šuchier, bo nikomu nie było zrazumieła, dziela čaho jana stvarajecca.
Tady pačali nakručvać dembielaŭ, jakija sychodzili ŭvosień. Davali mabilizacyjnyja pradpisańni, pa jakich jany buduć nievyjaznyja z krainy paŭhoda, nie mohuć źmianić miesca žycharstva i numar biez apaviaščeńnia vajenkamata. Prapanoŭvali padpisvać kantrakty nibyta z mahčymaściu skasavańnia praz paŭhoda. Abhruntoŭvali heta tak: navošta paŭhoda siadzieć prosta tak, kali možna padpisać kantrakt, a ŭ vypadku vajny vy adrazu budziecie ŭ bajazdolnym padraździaleńni, a nie prosta mabilizavanymi», — raskazvaje jon.
U kancy lutaha — pačatku sakavika mnohija padraździaleńni vyjazdžali na miažu dla ŭzmacnieńnia jaje achovy.
«Tamu ŭvieś astatni čas my čakali, što i nas tudy adpraviać, adzin raz navat ja trapiŭ», — kaža chłopiec.
Pa słovach Uładzisłava, u staršym aficerskim składzie jaho padraździaleńnia bolšaść padtrymlivała Rasiju.
«Čuŭ vykazvańni, što najbližejšyja niekalki hadoŭ vajny nie paźbiehnuć. Kazali vučycca, kab pieraniać dośvied.
U małodšym aficerskim składzie było bolš volnych nastrojaŭ. Kali ŭ vieraśni 2022-ha rasiejcy abłažalisia pad Charkavam, adstupili, adzin z małodšych aficeraŭ skazaŭ nam: «A vy viedajecie, što ruskija adsmaktali pad Charkavam? Nie padtrymlivaju ni tych, ni inšych, ale heta abjektyŭna tak».
Bačyŭ adnaho ideołaha, jaki kazaŭ, što razumieje, čamu Pucin pryniaŭ takoje rašeńnie, ale nie prymaje hetaha, bolš schilajecca da boku Ukrainy.
Niejak pravodzili vychavaŭčuju hutarku biez aficeraŭ, adzin z sałdataŭ spytaŭ, ci jość uvohule tut u zale, chto ličyć, što Rasija 24 lutaha ŭsio pravilna zrabiła — nichto nie padniaŭ ruku», — raskazvaje jon.
«Adzin z aficeraŭ skazaŭ, što Azaronak dyskredytuje krainu bolš, čym niechta inšy»
Prapahandysckaj pracy z sałdatami ŭ padraździaleńni Uładzisłava amal nie było.
«U zvyčajnych padraździaleńniach — nie ŭ siłach śpiecyjalnych vajennych apieracyj, nie va ŭnutranych vojskach — prapahandysckaj raboty minimalna. Tam nichto nie rviecca mocna štości prapahandavać. Kali pa płanie staić jaki-niebudź betešny film, to ŭklučajuć, ale jak ty jaho hladziš, nikoha nie chvaluje, niejkaj tłumačalnaj pracy niama.
Adnojčy adzin z aficeraŭ čytaŭ artykuł Kryminalnaha kodeksa, štości pra dyskredytacyju Biełarusi. Pytajecca, ci viedajem my, chto taki Hryša Azaronak? I kaža, dyk voś hety čałaviek dyskredytuje krainu bolš, čym niechta inšy», — zhadvaje chłopiec.
Uładzisłaŭ ličyć, što ŭzrovień samaśviadomaści biełaruskich aficeraŭ nie taki, kab jany ŭ vypadku pačatku vajny admovilisia vykonvać złačynnyja zahady. Ale takoha, kab niechta rvaŭsia vajavać, chłopiec nie bačyŭ.
«Kidalisia patryjatyčnymi łozunhami tolki adzinki. Małodšyja aficery, ja b navat skazaŭ, kankretna suprać vajny.
Davodziłasia šmat čuć pra rasijskich vajskoŭcaŭ, «mobikaŭ». Niekatoryja čaści praź ich nie mahli vyjechać na palihony, bo jany ich zajmali. U Piečach, nakolki ja viedaju, taksama žyli jany ŭ adnoj kazarmie ź biełaruskimi sałdatami.
U mabilizavanych nastroj nie vielmi. Sustreli niejak adnaho, jaki zachodziŭ va Ukrainu ŭ lutym, raskazaŭ, što ŭsio ŭ ich było drenna, paspać, kali ŭdavałasia, to ŭ chałodnym akopie. Heta jaho nie zadavalniała», — kaža Uładzisłaŭ.
Časta aficery z padraździaleńnia chłopca jeździli ŭ kamandziroŭki na zdaču techniki — raskansiervacyju staroj techniki.
«Adpraŭlali jaje ŭ Rasiju. Praz heta ja šmat u čym byŭ spakojny, razumieŭ, što z takimi siłami ŭstupać u vajnu nie płanujuć.
Cikava, što mnohija chłopcy da vojska źbiralisia pajści ŭ siłavyja struktury ci prosta padpisać kantrakt u vojska, ale nie paśpieli, inšyja źbirajucca heta zrabić i paśla słužby. Choć i zaŭvažna, što «ŭra-patryjatyzmu» niama, ale mnohija chłopcy chacieli b słužyć u elitnych vojskach», — raskazvaje jon.
U vojsku razam z Uładzisłavam byli chłopcy, jakija śviacilisia ŭ 2020-m. Jany stajali na ŭliku.
«Ale słužać sabie i słužać, nampality imi nie cikavilisia, kontrvyviedki taksama, ale heta tak u maim padraździaleńni było, jak u inšych — nie viedaju. U Piečach, naprykład, takich chłopcaŭ apracoŭvajuć vielmi mocna», — kaža jon.
Da kontrvyviedki ŭ vojsku ŭvohule niehatyŭnaje staŭleńnie, zapeŭnivaje chłopiec.
«Niekatoryja aficery nazyvali ich pieŭnievaj kantoraj, — uspaminaje jon. — Ich i bajacca, tamu što ŭsie pryvoziać telefony, jakija ŭ vojsku zabaronienyja. Kali vyviedka ich znachodzić, zabiraje. Ale im bolš cikavyja padpiski na «ekstremisckija resursy». Choć u niekatorych znachodzili navat videa z 2020-ha. Ale ŭsio niejak abychodziłasia.
Znachodziačysia ŭ vojsku, razumieješ, što takim, jak my, daroha ŭ sistemu začynienaja. Ludzi z 23.34 nie mohuć schadzić u ačapleńnie, naprykład».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Łukašenka paškadavaŭ, što Rasija nie pajšła bolš maštabnaj vajnoj na Ukrainu ŭ 2014-2015 hadach
U biełaruskaj armii jość usio nieabchodnaje dla abarony krainy — Chrenin
