Izabieła Fłores i Ivan Dziasiataŭ.
Fota: instagram.com/isabellaflores
Dziasiataŭ choča sabrać 25 tysiač dalaraŭ. Pavodle jaho, akurat za takuju sumu sajuz hatovy adpuścić jaho. U sumu ŭvachodzić pakryćcio vydatkaŭ na treniroŭki, piša Reform.by.
«Na hetym tydni stała viadoma, što Biełaruski sajuz kańkabiežcaŭ adpuścić Vaniu… z umovaj, što kamanda pavinna pakryć Sajuzu 25 tysiač dalaraŭ za ŭsie vydatki na treniroŭki Vani ŭ papiarednim siezonie. Ścisła: Vania nie zmoža pradstaŭlać Złučanyja Štaty, pakul nie buduć vypłačanyja hetyja 25 tysiač dalaraŭ», — havorycca na staroncy zboru srodkaŭ na płatformie Gofundme.
Dziasiataŭ pradstaŭlaŭ Biełaruś u siezonie 2021-2022. Praz dva tydni paśla pačatku vajny Dziasiataŭ pierajechaŭ u ZŠA.
«Jon pryniaŭ spantannaje rašeńnie pakinuć usio, što viedaŭ, kab atrymać mahčymaść upłyvać na svaju budučyniu niezaležna ad hieapalityki, jakaja adbyvajecca ŭ Rasii. Žadajučy vykanać svaju maru, jon zabraniravaŭ rejs u ZŠA, amal nie viedajučy movy, kultury, nie majučy jakich-niebudź płanaŭ», — havorycca na staroncy Dziasiatava.
U pačatku červienia 2022 hoda jon ustaŭ u paru ź Izabiełaj Fłores i ŭ kancy siezona 2022-2023 pačaŭ pieramovy ab źmienie Fiederacyi.
Zbor byŭ zapuščany dva dni tamu. Na 08:10 pavodle biełaruskaha času sabrali amal 12 704 dalary.
Ciapier biełaruskija fihurysty adchilenyja ad udziełu ŭ mižnarodnych spabornictvach.
Čytajcie taksama:
Cirque du Soleil prakamientavaŭ najom padpisanta prałukašenkaŭskaha lista
Frantaku ž nahu i nie tolki praścili