Tolki ŭ Kviebieku naličvajecca bolš za 150 ačahoŭ aktyŭnaha ŭzharańnia pry tym, što ŭ miascovych pažarnych jość mahčymaść tušyć adnačasova nie bolš za 40 pažaraŭ, piša Bi-bi-si.
Fota: CIRA/NOAA / AP
Akramia Kviebieka, lasy harać na płoščy ŭ 3,3 młn hiektaraŭ u Brytanskaj Kałumbii, Albiercie, Antaryjo, Novaj Šatłandyi i na Paŭnočna-Zachodnich terytoryjach.
Lasnyja pažary typovyja dla hetaj pary hoda ŭ Kanadzie. Ale maštaby pažaraŭ, jakija nazirajucca sioleta, niezvyčajnyja, častkova jany vyklikanyja bolš suchim nadvorjem i ciopłymi tempieraturami.
Kali pažary praciahnuć raspaŭsiudžvacca z takoj chutkaściu, fiederalnyja čynoŭniki pradkazvajuć, što 2023 hod stanie hodam najhoršych pažaraŭ u Kanadzie za ŭsiu historyju nazirańniaŭ z punkta hledžańnia pamieru vyharałaj płoščy.
Tysiačy kanadcaŭ vymušanyja byli evakujavacca praź blizkija pažary, a pra patencyjnuju niebiaśpieku, źviazanuju z zadymleńniem pavietra, papiaredzili dziasiatki miljonaŭ ludziej va ŭsioj Paŭnočnaj Amierycy.
Nad mnohimi haradami Kanady i ZŠA, u tym liku nad Taronta, Atavaj, Ńju-Jorkam i Vašynhtonam, nieba afarbavałasia ŭ ćmiana-aranžavy koler. Ułady Atavy nazyvajuć zabrudžvańnie pavietra ad pažaraŭ vielmi niebiaśpiečnym dla zdaroŭja ludziej, asabliva ludziej, što pakutujuć na reśpiratornyja zachvorvańni.
Ńju-Jork, Yuki Iwamura / AP
U Ńju-Jorku i Vašynhtonie prypynili pracu dziaržaŭnych škoł, a mer Ńju-Jorka Eryk Adams papiaredziŭ, što situacyja moža pahoršycca, i zaklikaŭ nasielnictva bieź nieabchodnaści nie pakidać damy.
Eryk Adams zajaviŭ, što ńjujorkcy nikoli nie pieražyvali ničoha padobnaha i nazvaŭ situacyju biesprecedentnaj.
Bieły dom zajaviŭ, što adpraŭlaje dapamohu Kanadzie dla baraćby ź lasnymi pažarami. Pa słovach pres-sakratarki Karyn Žan-Pjer, bolš za 600 amierykanskich pažarnych razam sa śpiecyjalnaj avijacyjaj užo dapamahajuć na miescach svaim kanadskim kaleham.
