Hreta Tunbierh. Fota: Michael Probst / AP
Šviedskaja ekaaktyvistka Hreta Tunbierh u piatnicu, 9 červienia, praviała svaju apošniuju školnuju zabastoŭku ŭ abaronu navakolnaha asiarodździa, piša Deutsche Welle.
«251-y tydzień školnych zabastovak. Siońnia ja zakančvaju škołu, tamu bolš nie zmahu strajkavać za klimat. Heta maja apošniaja školnaja zabastoŭka», — napisała Tunbierh u tvitary.
Pry hetym 20-hadovaja aktyvistka zapeŭniła, što praciahnie pratestavać pa piatnicach, choć technična heta ŭžo buduć nie školnyja zabastoŭki. «U nas prosta niama inšaha vybaru, akramia jak zrabić usio, što ŭ našych siłach. Baraćba tolki pačałasia», — adznačyła jana.
Pratest Hrety Tunbierh
U žniŭni 2018 hoda za tydzień da parłamienckich vybaraŭ u Šviecyi Hreta Tunbierh upieršyniu vyjšła na akcyju ŭ abaronu klimatu ŭ Stakholmie. 15-hadovaja školnica chacieła prymusić palitykaŭ pryniać terminovyja miery, kab nie dapuścić pavyšeńnia tempieratury na ziamli bolš, čym na paŭtara hradusa pa Celsiju. Nieŭzabavie inšyja školniki pa ŭsim śviecie ŭziali prykład z Hrety i pa piatnicach, prapuskajučy zaniatki ŭ škole, pačali vychodzić na akcyi ŭ abaronu klimatu.
Tunbierh stała vizitnaj kartkaj hłabalnaha ruchu «Piatnicy dziela budučyni» (Fridays for Future) i ruparam svajho pakaleńnia, jakoje zaniepakojena nastupstvami źmianieńnia klimatu. Jana vystupaje na roznych mižnarodnych kanfierencyjach, sustrakajecca z vysokapastaŭlenymi zamiežnymi dziejačami i pradstaŭnikami mižnarodnych arhanizacyj.
U 2019 hodzie amierykanski časopis Time nazvaŭ Tunbierh «Čałaviekam hoda» za ŭkład u baraćbu sa źmianieńniem klimatu i za toje, što jana stała prykładam dla pradstaŭnikoŭ svajho pakaleńnia ŭ roznych krainach, dałučyła ich da hramadskaj dziejnaści.
«Šmat što źmianiłasia z tych časoŭ, jak my pačali, i ŭsio ž nam treba budzie jašče mnohaje zrabić», — napisała aktyvistka ŭ tvitary, dadaŭšy, što hramadstva ŭsio jašče «ruchajecca nie ŭ tym kirunku» ŭ płanie staŭleńnia da navakolnaha asiarodździa.
Čytajcie taksama:
Časopis Time nazvaŭ Čałaviekam hoda Hretu Tunbierh
Hreta Tunbierh: Hłabalnaje paciapleńnie nie spyniajecca, treba praciahvać baraćbu
Hreta Tunbierh zarehistravała svajo imia ŭ jakaści handlovaha znaku
