Nieviadoma, kolki hadoŭ u internacie nie było ramontu. Usie fota: archiŭ Natalli

Nieviadoma, kolki hadoŭ u internacie nie było ramontu. Usie fota: archiŭ Natalli

U dzieviacipaviarchovym internacie na vulicy Haharyna, 2 u Vilejcy Natalla sa svaim synam vytryvali vosiem miesiacaŭ. Žančyna raskazvaje, što płata pastajanna padvyšałasia, a ŭžo kali prus zalez u nosik jaje dziciaci, jana nie vytrymała i zjechała. Internat naležyć ustanovie adukacyi «Vilejski dziaržaŭny kaledž».

Natalla z synam zasialilisia ŭ internat u mai 2022 hoda. Chłopčyku tady było paŭhoda.

Im dali pakoj u błoku na trecim paviersie. Błok składajecca z čatyroch pakojaŭ z ahulnym tualetam. A duš — adzin u internacie, jon znachodzicca na pieršym paviersie. Płata spačatku była 180 rubloŭ u miesiac.

Pažyli miesiac, i «prusaki pajšli ŭ pachod», raspaviadaje maładaja maci. Adnojčy prus zapoŭz u nosik dziciaci.

A inšym razam sa stoli advaliŭsia kavałak tynkoŭki i ledź nie trapiŭ u hałavu synu.

Potym kožny miesiac stała padymacca płata za pražyvańnie — u siarednim na 30 rubloŭ.

Buchhałtar tłumačyła heta tym, što za hety košt padymajuć zarobak vachcioram. U vyniku płata za pakoj vyrasła da 100 dalaraŭ. Z 605 rubloŭ dziciačych hrošaj amal pałovu davodziłasia addavać za internat.

«Lepš žyć z bamžami na vulicy, čym u takim internacie», — vyrašyła Natalla i źjechała. Joj udałosia źniać kvateru ŭ centry Vilejki z meblaj, biez prusakoŭ koštam 160 rubloŭ za miesiac.

Dyrektar Vilejskaha dziaržaŭnaha kaledža Siarhiej Kavalonak patłumačyŭ redakcyi, što kaledž abmiežavany ŭ srodkach. Biudžetnych hrošaj na internat nie dajuć, utrymlivajuć budynak tolki za košt žycharoŭ.

«Ni adna pravierka nie vyjaviła parušeńniaŭ zakanadaŭstva ŭ naličeńni płaty za internat», — kaža Kavalonak.

Taksama jon abvinavaciŭ žycharoŭ internata: maŭlaŭ, jany daloka nie zaŭsiody prytrymlivajucca pravił pražyvańnia, «łamajuć dźviery i santechniku», śmiećcie za saboj prybirajuć nierehularna, što i dazvalaje pładzić tych ža prusakoŭ.

«Urešcie jość u horadzie internaty, jakija naležać ŽKH. U siabie my nikoha nie trymajem», — reziumavaŭ dyrektar kaledža.

Клас
6
Панылы сорам
61
Ха-ха
7
Ого
5
Сумна
6
Абуральна
42