refilling a hydrogen powered vehicle zapraŭka vadarodnam aŭtamabla zapravka vodorodom avtomobila

Adna z pryčyn nizkaha popytu na aŭtamabili na vadarodzie ŭ Jeŭropie — adsutnaść zapravačnych stancyj. Fota: Amr Nabil / AP Photo

Jak adznačaje Welt, u Hiermanii amal niama pakupnikoŭ na aŭtamabili na vadarodnym palivie. U toj ža čas u Azii takija vytvorcy, jak Toyota i Hyundai, robiać staŭku na takija madeli.

Pa źviestkach Fiederalnaha ŭpraŭleńnia aŭtamabilnaha transpartu ŭ Hiermanii za piać miesiacaŭ hetaha hoda było zarehistravana tolki 168 novych aŭtamabilaŭ na vadarodnym palivie. Za hety ž pieryjad rehistracyja novych elektramabilaŭ skłała 184 tysiačy.

Hałoŭnaja pryčyna — adsutnaść zapravačnych stancyj. Pa ŭsioj krainie ich tolki 91. Košt paliva tam składaje 13,85 jeŭra za kiłahram. Na im možna prajechać kala 100 kiłamietraŭ. Istotny ŭpłyŭ na popyt akazvaje i košt takich aŭtamabilaŭ. Toyota prapanoŭvaje svoj MIRAI za 66 tysiač jeŭra, a NEXO ad Hyundai abydziecca ŭ 77 tysiač.

Jak adznačaje vydańnie, navat mahčymaść chutkaj zapraŭki takich aŭtamabilaŭ (try-čatyry chviliny), jakaja paraŭnalnaja z zapraŭkaj bienzinam ci dyzielem, nie spryjaje popytu. Pakupnik adnaznačna vybiraje elektramabil.

Ad vadarodnych aŭtamabilaŭ admaŭlajucca i vytvorcy. Volkswagen Group buduje ŭłasnyja vializnyja zavody pa vytvorčaści akumulatarnych batarej u Jeŭropie, Kitai i Paŭnočnaj Amierycy.

Mercedes-Benz spyniŭ raspracoŭku paśla nievialikaj sieryi pazadarožnikaŭ na vadarodzie i pieradaŭ technałohiju svajoj daččynaj kampanii Daimler Truck. Tam vadarodnyja technałohii miarkujecca vykarystoŭvać u ciažkich hruzavikach. Kampanija Opel prapanuje nievialikija furhony na vadarodzie nievialikimi sieryjami.

Vydańnie adznačaje, što tolki kancern BMW zastajecca adzinym prychilnikam vadarodnaha aŭtamabila. Kancern zapeŭnivaje, što sieryjnuju vytvorčaść takich aŭtamabilaŭ moža raspačać u luby momant. Ale ŭ najbližejšy čas heta ličycca małavierahodnym.

BMW iX5 Hydrogen

BMW iX5 Hydrogen. Fota: bmw.pl

Jašče ŭ 2021 hodzie kancern abiacaŭ, što jahony aŭtamabil BMW iX5 Hydrogen vyjdzie na rynak Jeŭropy da 2025 hoda. Ale ciapier vidać, što heta zdarycca nie raniej za 2030-ja hady.

U toj ža čas, jak piša Welt, lidarami ŭ śfiery vadarodnych aŭtamabilaŭ zastajucca Toyota i Hyundai. Apošniaja kampanija zajmajecca raspracoŭkami vadarodnych elemientaŭ z 1998 hoda. U jaje rukach znachodziacca technałohii dla ŭsiaho łancužka vytvorčaści. Jaje vadarodnyja elemienty vykarystoŭvaje i BMW.

Jak patłumačyŭ vydańniu niamiecki inžynier Ronald Hrasman (Ronald Grasman), jaki adkazvaje za raźvićcio vadarodnych elemientaŭ u Hyundai ŭ Sieule,

«u Paŭdniovaj Karei i Japonii nie viaducca fundamientalnyja sprečki ab vadarodzie ŭ transpartnych srodkach. U Karei isnuje hramadskaja dumka, što budučaja enierhietyčnaja sistema budzie zasnavanaja na vadarodzie, tamu što kraina zaležyć ad impartu enierhii z-za miažy».

Na pohlad Hrasmana, niahledziačy na ​​​​toje, što efiektyŭnaść vadarodnaj sistemy značna nižejšaja, čym u elektramabila, jość prykłady, dzie vadarod maje bolšy sens nie tolki dla kamiercyjnych mašyn, ale i dla lehkavych aŭtamabilaŭ.

Na mabilnaść taksama ŭpłyvaje najaŭnaść vadarodnaj enierhietyčnaj sistemy, jakuju ŭ Paŭdniovaj Karei sumiesna pabudavali bujnyja kampanii.

Faktyčna Hyundai źjaŭlajecca lidaram suśvietnaha rynku lehkavych aŭtamabilaŭ na vadarodzie. Pa danych kampanii, u minułym hodzie pa ŭsim śviecie było pradadziena 11 179 madelaŭ NEXO. Heta składaje bolš za 50% rynku takich aŭto.

Hyundai NEXO

Hyundai NEXO. Fota: Wikimedia Commons

Hrupa taksama ličyć siabie pijanieram u śfiery kamiercyjnaha transpartu. U Karei ŭžo jeździać 300 aŭtobusaŭ na paliŭnych elemientach Hyundai.

U Jeŭropie kampanija prasoŭvaje hruzaviki-aŭtapajazdy na vadarodnym palivie. Tak, u Šviejcaryi ich naličvajecca 47 štuk. U kancy vieraśnia hetaha hoda kampanija źbirajecca pastavić 42 takich aŭto ŭ Hiermaniju.

Ale, jak adznačaje vydańnie, Šviejcaryja ŭ paraŭnańni z Hiermanijaj maje pieravahi. U hetaj krainie hruzaviki mohuć vykarystoŭvać zialony vadarod, jaki vypracoŭvajecca z dapamohaj elektryčnaści, atrymanaj ad hidraenierhietyki, što daje kala dźviuch tracin usioj elektraenierhii ŭ krainie. U Hiermanii takoj mahčymaści niama. Tam hidraenierhietyka składaje tolki 3% ad usioj enierhavytvorčaści.

Kali vadarod budzie atrymany šlacham pieraŭtvareńnia pryrodnaha hazu zamiest vykarystańnia «zialonaj» elektraenierhii, to ŭsia sistema pierastanie być klimatyčna niejtralnaj.

Śpiecyjalisty zapeŭnivajuć, jak piša Welt, što kamiercyjnyja hruzavyja aŭtamabili na vadarodnym palivie stanuć u Jeŭropie tym tryhieram, jaki daść šturšok raspaŭsiudžvańniu lehkavych aŭto, bo hruzaviki patrabujuć u 50 razoŭ bolš paliva, čym lehkavyja aŭtamabili. Hałoŭnaja zadača — stvaryć sietku zapravačnych stancyj.

Čytajcie jašče:

Jeŭrasajuz zabaraniaje paśla 2035 hoda vypuskać mašyny na bienzinie i dyzieli

U Hiermanii stali chadzić pasažyrskija ciahniki na vadarodzie

«Zialony vadarod» — zaŭtra suśvietnaj ekanomiki. Voś jak heta budzie pracavać, na prykładzie Namibii

Клас
12
Панылы сорам
0
Ха-ха
3
Ого
4
Сумна
3
Абуральна
2

Chočaš padzialicca važnaj infarmacyjaj ananimna i kanfidencyjna?