Fota ilustracyjnaje

Fota ilustracyjnaje

U Škłoŭskuju centralnuju rajonnuju balnicu dziaŭčynka z atručeńniem trapiła ŭ pačatku maja, paviedamlaje Tochka.by sa spasyłkaj na Dziaržaŭny kamitet sudovych ekśpiertyz.

Dzicia razam z baćkami haściavała ŭ babuli. Pakul nichto nie bačyŭ, dziaŭčynka znajšła babuliny tabletki i stała ź imi hulać.

Kali darosłyja zaŭvažyli heta, leki byli ŭžo ŭ małoj u rocie. Adnu tabletku paśpieli dastać, ale heta nie dapamahło. Praz paŭhadziny dziciaci stała drenna, i baćka pavioz dačku ŭ balnicu.

Dziaŭčynka trapiła ŭ reanimacyju, joj akazali miedycynskuju dapamohu. Na nastupnuju ranicu małuju ŭžo vypisali. Ciapier ź joj usio dobra. Ale historyja z kłafielinam na hetym nie skončyłasia.

Milicyja nakiravała na sudovuju ekśpiertyzu tabletki, jakimi atruciłasia dziaŭčynka. Akazałasia, što jany ŭtrymlivajuć kłafielin i adpuskajucca tolki pa recepcie.

Pa słovach babuli, joj hetyja leki vypisaŭ doktar z-za vysokaha cisku. Ale paźniej supracoŭniki RAUS vyśvietlili, što recept na tabletki joj nichto nie vydavaŭ.

Pravierka nakont zachoŭvańnia kłafielinu biez recepta praciahvajecca. Dziejańniam babuli daduć pravavuju acenku.

Čytajcie taksama:

U letniku pad Babrujskam varoty ŭpali na 13-hadovaha školnika. Jaho stan stabilna ciažki

U Vietkaŭskim rajonie abvaliŭsia most

U Naraŭlanskim rajonie za adnu noč źnikła 13 kanalizacyjnych lukaŭ. Kab złavić złamyśnikaŭ, milicyja praviarnuła cełuju apieracyju

Клас
0
Панылы сорам
3
Ха-ха
1
Ого
0
Сумна
2
Абуральна
7