Bahdan Jaremienka Bohda Jariemienko Bogdan Yaremenko

Bahdan Jaremienka ličyć, što siońnia jość značna bolš važnyja pytańni pa Biełarusi, čym reparacyi. Skryn ź videa

Bahdan Jaremienka adznačyŭ, što situacyja dla razmoŭ pra reparacyi nie sfarmavałasia.

«Adna situacyja, kali biełarusy sami niejkim čynam raźbiarucca. Druhaja — kali heta adbudziecca z dapamohaj Ukrainy. Ci situacyja, kali Łukašenka bolš nie budzie sprabavać parušać miežy Ukrainy i jamu zaličacca tolki byłyja ŭčynki. Inšaja reč, kali jon pojdzie na hetaje varjactva. Jość šmat scenaroŭ».

Deputat vykazaŭ svaju pazicyju ab tym, što ŭ suviazi z padziejami 24 lutaha 2022 hoda Biełaruś stała dziaržavaj-ahresarkaj. Jaje dziejańni pa nadańni svajoj terytoryi dla viadzieńnia vajny, na pohlad deputata, padpadajuć pad dziejańnie mižnarodnych kanviencyj.

U toj ža čas, jak ličyć Jaremienka, «ni ŭ jakim razie my nie pavinny pierakładać, asabliva na emacyjnym uzroŭni, adkaznaść ź biełaruskaj dziaržavy na biełaruski narod. Heta niespraviadliva».

Palityk źviartaje ŭvahu, što nieviadoma, z kim vieści pieramovy ab reparacyjach.

«Kali my nie skiniem Łukašenku, z nami hetyja pieramovy nichto nie budzie vieści. Jon nikoli na heta nie pojdzie. I my nie zmožam ź im vieści pieramovy, bo nie pryznajem jaho lehitymnaść».

Deputat adznačaje, što nieviadoma, jakaja budzie i novaja ŭłada ŭ Biełarusi. Całkam moža vyjści, razvažaje Jaremienka, što buduć novyja ludzi, i kraina budzie ŭ takoj situacyi, što ź mierkavańniaŭ humanizmu i dobrasusiedstva treba budzie svaje padychody da hetaj situacyi mianiać.

«Mahčyma, my znojdziem niejkija formy supracy, jakija buduć prapanavanyja Biełaruśsiu. Jany nie buduć usprymacca jak reparacyi, ale tym nie mienš jany dazvolać kampiensavać vialikija straty, jakija my panieśli,

— prahnazuje palityk i padkreślivaje: — Ja zaraz nie baču nijakaj praktyčnaj pryčyny havaryć na hetyja temy. Zaraz tema ŭ nas pavinna być tolki adna — jakim čynam my prybiarom Łukašenku. Jakim čynam my vykiniem jaho na śmietnik historyi i adnovim demakratyju i svabodu ŭ Biełarusi».

Deputat zhadaŭ pra vystup prezidenta Ukrainy Uładzimira Zialenskaha ŭ parłamiencie krainy, u jakoj jon akreśliŭ ukrainskuju daktrynu taho, što pavinna adbycca paśla pieramohi:

«Redka zdarajecca, kali va Ukrainie ŭ takich pramovach zhadvajuć pra Biełaruś. Prezident adznačyŭ, što naša pieramoha — heta nie tolki dla nas dasiahnieńnie. Pieramoha budzie aznačać svabodu i stabilnaść dla Biełarusi. Heta pravilny padychod».

Jaremienka adznačyŭ, što siońnia treba havaryć pra toje, ci hatova Ukraina dapamahčy biełarusam viarnuć svabodu. U toj ža čas treba taksama havaryć i ab tym, ci chočuć biełarusy viarnuć svabodu. Bo takoje pytańnie ciapier jość u niekatorych palitykaŭ. Tamu, padkreślivaje deputat, treba tłumačyć i pakazvać, što biełaruski supraciŭ isnuje, jon realny.

«Jość peŭnyja abstaviny ŭ krainie. Ale tym nie mienš jość ludzi, jakija achviarujuć saboju taksama, jak va Ukrainie. Kali ž havaryć pra pratesty, to hetych achviar u Biełarusi było nijak nie mienš, čym padčas apošniaha Majdanu va Ukrainie. Pra heta treba raskazvać, tamu što ŭkraincy ciapier u peŭnaj stupieni jak pakryŭdžanaje dzicio, jakoje niespraviadliva bjuć. I heta niespryjalnaja atmaśfiera, kab havaryć ab prablemach inšych. Ale jašče i mała infarmacyi. My drenna viedajem, što adbyvajecca ŭ Biełarusi», — adznačaje palityk.

Ukrainski deputat zapeŭniŭ, što jon asabista nie zmoža vieści pieramovy ab reparacyjach ad Biełarusi, bo vysoka aceńvaje prysutnaść va Ukrainie pałka Kalinoŭskaha:

«Vaša zjaŭleńnie tut vielmi dobra. Kali, tearetyčna, pradstaŭniki pałka Kalinoŭskaha stanuć novaj uładaj u Biełarusi, i ja — ukrainski dypłamat, a siońnia palityk, jaki pracuje, dapamahaje pałku, jaki byvaŭ na pachavańniach sałdat hetaha pałka, ja nie zmahu vieści pieramovy pra reparacyi. Ja prosta nie zachaču ich vieści z tym uradam, jaki sfarmujuć hetyja ludzi, kali tak staniecca».

Deputat jašče raz adznačyŭ, što nie bačyć padstaŭ vieści havorku pra reparacyi ciapier. Ale jon nie choča krytykavać svaich kaleh, jakija pra heta havorać. «Jany majuć na heta prava. Ukraina — volnaja kraina. Situacyja zrazumiełaja ŭ tym, što Biełaruś — saŭdzielnica ahresii».

Bahdan Jaremienka raspavioŭ ab tym, što na siońnia ŭ parłamiencie Ukrainy jość prajekty dźviuch pastanoŭ. U adnoj Biełaruś nazyvajecca «akupavanaj krainaj». U druhoj — «krainaj-ahresarkaj». Ciapier važna vypracavać tearetyčnuju liniju pavodzinaŭ. U hetym, adznačaje deputat, dobra dapamahaje sam Łukašenka.

«Chutka my vyznačym, pastavim usie kropki nad i. Ja nie budu pratestavać suprać vyznačeńnia Biełarusi krainaj-ahresarkaj. Ale heta zusim nie suadnosicca z temaj reparacyj. I ja nie ŭpeŭnieny, što hetaja tema kali-niebudź budzie isnavać», — zaŭvažaje Jaremienka.

Deputat nie razumieje, čamu niekatoryja palityki praciahvajuć uzdymać temu reparacyj ad Biełarusi.

«Kali razmovami pra reparacyi my budziem pavyšać uvahu da Biełarusi, to kali łaska. Ale, mnie zdajecca, na siońnia jość značna bolš važnyja pytańni pa Biełarusi. Heta dapamoha pałku Kalinoŭskaha i inšym biełarusam, jakija tut. Prablema biełarusaŭ va Ukrainie, prablema biełaruskaj apazicyi (nie tolki va Ukrainie), ź jakoj my supracoŭničajem.

Bo zajaŭlena meta — skinuć režym. I nie tak šmat dyskusij pra toje, jak heta zrabić. Mała chto ŭ biełaruskaj apazicyi padtrymlivaje ideju ab tym, što z Łukašenkam možna damovicca. Amal usie havorać pra siłavy scenar. Voś hetyja praktyčnyja rečy, kaštoŭnaść jakich ja razumieju», — adznačyŭ ukrainski palityk u kancy razmovy.

Čytajcie jašče:

Ukrainski palityk Siarhiej Prytuła vystaviŭ patrabavańnie da Cichanoŭskaj

U Viarchoŭnuju Radu Ukrainy ŭnieśli zakonaprajekt ab pryznańni Biełarusi krainaj-ahresaram

Cichanoŭskaja nie vyklučaje, što paprosić dapamohi asabista ŭ Zialenskaha ŭ vajennym vyzvaleńni Biełarusi

Клас
31
Панылы сорам
0
Ха-ха
5
Ого
3
Сумна
1
Абуральна
10

Chočaš padzialicca važnaj infarmacyjaj ananimna i kanfidencyjna?