Partret Puškina kala biełaruskaha bara «Karma» ŭ Varšavie. Fota: «Biełsat»

Partret Puškina kala biełaruskaha bara «Karma» ŭ Varšavie. Fota: «Biełsat»

«U Varšavie kala biełaruskaha bara «Karma» na alei 3 Maja (Aleja 3 Maja), 15 siońnia zrobiać žałobny murał. Usie achvotnyja zmohuć ušanavać pamiać mastaka», — napisaŭ u siabie ŭ telehramie Jan Rudzik. 

U sacyjalnych sietkach biełarusaŭ Vilni i Varšavy raspaŭsiudžvajecca infarmacyja, što ludzi niasuć śviečki da biełaruskich pasolstvaŭ u Litvie i Polščy.

U Bierlinie ludzi niasuć śviečki da biełaruskaha murała na Potsdamer Platz.

Niekatoryja byłyja palitźniavolenyja pamianiali svaje avatarki na fota Alesia Puškina.

«Jaho tvorčaść była ŭvasableńniem niazłomnaha duchu biełaruskaha naroda», — napisała Śviatłana Cichanoŭskaja pra śmierć Alesia Puškina.

«Prašu ŭsich, chto viedaje niešta pra śmierć Alesia, — pieradajcie infarmacyju jaho žoncy, niezaležnym miedyja ci pravaabaroncam. Ludzi nie pavinny pamirać u turmach. My budziem daviedvacca praŭdu, — zaklikała Cichanoŭskaja.

— Kožnaja śmierć palitźniavolenaha — adkaznaść režymu i asabista Łukašenki, jaki trymaje ich u niečałaviečych umovach.

Zusim niezrazumieła, jak znajści adkaz na pytańnie: kolki jašče pavinna pamierci ludziej za kratami, kab režym pačaŭ dyjałoh z hramadstvam i vyzvaleńnie ludziej z turmaŭ?

Ja vykazvaju ščyryja spačuvańni žoncy Alesia, jaho blizkim i siabram. Pamiać pra Alesia i jaho tvorčaść zastaniecca z nami nazaŭždy», — napisała Cichanoŭskaja.

A biełaruski pravasłaŭny prychod u Vilni, jaki naležyć da Kanstancinopalskaha patryjarchata, abviaściŭ, što zaŭtra a 18-j hadzinie adsłužyć «panichidu pa zabitym Alesiu Puškinie ŭ našaj biełaruskaj carkvie na vulicy Bakšta (Bokšto), 4».

«U turemnym źniavoleńni byŭ zabity vierny syn našaje Biełarusi, naš brat u Chryście — Aleś Puškin! Vialikaja strata i nievykazny bol za jaho i za ŭsich, kaho katujuć i pavolna zabivajuć u biełaruskich turmach!» — piša telehram-kanał pravasłaŭnaha prychoda ŭ Vilni.

Čytajcie taksama:

Aleś Puškin: chto hety hienijalny mastak i palitviazień, što zhinuŭ u źniavoleńni

«Pry niavyśvietlenych abstavinach». Pamior palitźniavoleny mastak Aleś Puškin

Ivulin pra ździeki z Puškina, ciažki stan Łatypava i erzac-seks u kałonii

Клас
5
Панылы сорам
0
Ха-ха
0
Ого
2
Сумна
39
Абуральна
5