Sioleta žančyny-palityki akazalisia adzinyja ŭ vybary ŭboraŭ. Vysokapastaŭlenyja čynoŭnicy addali pieravahu kreatyŭnym dziełavym kaściumam letnich adcieńniaŭ. Naprykład,

premjer-ministarka Danii Mete Frederyksen źjaviłasia na cyrymonii aficyjnaha pradstaŭleńnia ŭ dvojcy nasyčanaha miatnaha koleru.

Premjer-ministarka Danii Mete Frederyksen u miatnym kaściumie. Fota: AP Photo / Pavel Golovkin 

Premjer-ministarka Danii Mete Frederyksen u miatnym kaściumie. Fota: AP Photo / Pavel Golovkin 

Premjer-ministarka Estonii vybrała sukienku dla ŭdziełu ŭ pieršym dni samitu. Kaja Kałas vyrašyła nadzieć prytaleny ŭbor jahadnaha koleru i niudavyja tufli na nievysokim abcasie.

Premjer-ministarka Estonii Kaja Kałas u sukiency jahadnaha koleru. Fota: Yves Herman, Pool Photo via AP

Premjer-ministarka Estonii Kaja Kałas u sukiency jahadnaha koleru. Fota: Yves Herman, Pool Photo via AP

Pieršaja ŭ historyi žančyna na pasadzie staršyni Rady ministraŭ Italii, Džordža Miełoni, adpaviadaje modnamu statusu svajoj krainy. Premjer-ministarka vybrała padoŭžany surdut i štany-pałaca adcieńnia kavy z małakom.

Premjer-ministarka Italii Džordža Miełoni i razam z prezidentam Litvy Hitanasam Naŭsiedam i hienieralnym sakratarom NATA Jensam Stołtenbierham. Fota: AP Photo / Pavel Golovkin

Premjer-ministarka Italii Džordža Miełoni i razam z prezidentam Litvy Hitanasam Naŭsiedam i hienieralnym sakratarom NATA Jensam Stołtenbierham. Fota: AP Photo / Pavel Golovkin

Prezidentka Słavakii i hałoŭnakamandujučaja jaje Uzbrojenych siłaŭ Zuzana Čaputava taksama addała pieravahu padoŭžanamu surdutu zamiest kłasičnaha pinžaka.

Niabiesna-błakitny ŭbor vyhadna padkreślivaje rost žančyny, a spałučeńnie jaho z čornymi vuzkimi štanami i topam vyciahvaje siłuet i robić jaho bolš zhrabnym.

Prezidentka Słavakii Zuzana Čaputava abrała błakitny kaścium. Fota: AP Photo/Pavel Golovkin

Prezidentka Słavakii Zuzana Čaputava abrała błakitny kaścium. Fota: AP Photo/Pavel Golovkin

Mužčyny-palityki taksama pakazali adzinstva kaściumaŭ. Rassłableny nastroj pieršaha dnia padkreślivaŭsia jarkimi i pałasatymi halštukami.

Fota: Doug Mills/Pool Photo via AP

Fota: Doug Mills/Pool Photo via AP

Tak, prezident Polščy Andžej Duda abraŭ halštuk nasyčanaha siniaha koleru. A Ryšy Sunak, premjer-ministr Vialikabrytanii, źjaviŭsia na cyrymonii ŭ kłasičnym halštuku čyrvonaha koleru.

Ryšy Sunak. Fota: AP Photo / Mindaugas Kulbis

Ryšy Sunak. Fota: AP Photo / Mindaugas Kulbis

Zrešty, byli i tyja palityki, jakija pramachnulisia z vybaram hetaha aksiesuara.

Viktar Orban, premjer-ministr Vienhryi, abraŭ dla aficyjnaha mierapryjemstva halštuk kisłotna-sałatavaha adcieńnia — jon lepš padyšoŭ by dla viečarynki ŭ styli 90-ch, čym dla ŭdziełu ŭ kansiervatyŭnym mierapryjemstvie. Zrešty, Orban nosić takija halštuki ŭsiudy i zaŭsiody.

Premjer-ministr Vienhryi Viktar Orban paciskaje ruku prezidentu ZŠA Džo Bajdenu. Fota: Pavel Golovkin / AP Photo

Premjer-ministr Vienhryi Viktar Orban paciskaje ruku prezidentu ZŠA Džo Bajdenu. Fota: Pavel Golovkin / AP Photo

Miły halštuk my zaŭvažyli na Edzi Rama, premjer-ministry Ałbanii. Palityk abraŭ dla mierapryjemstva aksiesuar u pałosku z čyrvonymi kvietkami.

Edzi Rama, premjer-ministr Ałbanii z žonkaj (źleva). Fota: Paul Ellis/Pool Photo via AP

Edzi Rama, premjer-ministr Ałbanii z žonkaj (źleva). Fota: Paul Ellis/Pool Photo via AP

Jašče adzin cikavy aksiesuar — u prezidenta Turcyi Redžepa Erdahana. Heta ŭlubiony hadzińnik palityka, jaki byŭ vyrableny na zamovu. Na jaho cyfierbłacie vyhraviravany nadpis «15 lipienia», a nižej, pad strełkami, zorka i paŭmiesiac.

Hety hadzińnik maje sakralnaje značeńnie dla Erdahana. 15 lipienia 2016 hoda ŭ Turcyi adbyłasia sproba vajennaha pieravarotu. Bunt zadušyli. Amal 500 čałaviek paŭstali pierad sudom, 375 ź ich atrymali pažyćciovyja terminy, 14 — z uzmocnienym režymam utrymańnia. Ciapier hety hadzińnik — simvał pieramohi Erdahana ŭ samym ciažkim vyprabavańni.

Redžep Taip Erdahan. Fota: Paul Ellis / Pool / Getty Images

Redžep Taip Erdahan. Fota: Paul Ellis / Pool / Getty Images

Ulubiony hadzińnik Erdahana. Foto: imidge.com.ua

Ulubiony hadzińnik Erdahana. Foto: imidge.com.ua

Tradycyjna modnyja žurnalisty čakali źjaŭleńnia francuzskaj delehacyi.

Na ŭračystuju viačeru z udziełam lidaraŭ NATA prezident Francyi Emanuel Makron prybyŭ u supravadžeńni žonki Bryžyt. Palityk abraŭ dla aficyjnych mierapryjemstvaŭ kłasičny ciomna-sini harnitur. Pieršaja łedzi taksama była na vyšyni — jana nadzieła biełuju sukienku z abjomnym reljefam.

Prezident Francyi Emanuel Makron i jaho žonka Bryžyt. Fota: Dursun Aydemir / Anadolu Agency via Getty Images

Prezident Francyi Emanuel Makron i jaho žonka Bryžyt. Fota: Dursun Aydemir / Anadolu Agency via Getty Images

Prezident Ukrainy prybyŭ na samit paźniej za inšych — tolki ŭviečary pieršaha dnia. Paźniej para Zialenskich dałučyłasia da zvanaj viačery.

Uładzimir čakana źjaviŭsia ŭ kaściumie ŭ styli military: štanach karho i kašuli koleru chaki. Žonka prezidenta, Alena, vybrała bolš vytančany ŭbor — asimietryčnuju sukienku šera-błakitnaha adcieńnia.

Uładzimir Zialenski z žonkaj. Fota: Yves Herman, Pool Photo via AP

Uładzimir Zialenski z žonkaj. Fota: Yves Herman, Pool Photo via AP

Para taksama paśpieła pavitać žycharoŭ Vilni na kancercie, arhanizavanym u padtrymku Ukrainy. Palityk i pieršaja łedzi prybyli na Łukišskuju płošču, dzie Zialenski źviarnuŭsia da prysutnych z pryvitalnaj pramovaj.

Na Zialenskim było čornaje chudzi z vyšytym hierbam svajoj krainy, na jaho žoncy — błuzka-vyšyvanka i čornyja štany.

Fota: AP Photo/Pavel Golovkin

Fota: AP Photo/Pavel Golovkin

Na sustrečach nieadnarazova zhadvałasia i biełaruskaja tema.

Padčas sajd-iventu pa Biełarusi ŭ ramkach samitu NATA Śviatłana Cichanoŭskaja źjaviłasia ŭ niabiesna-błakitnym kaściumie i bežavych łodačkach na ŭstojlivym abcasie.

Fota: Ofis Cichanoŭskaj

Fota: Ofis Cichanoŭskaj

U sieradu ž lidarka demakratyčnych sił Biełarusi prysutničała na mierapryjemstvach u harnitury koleru pylnaj ružy.

Cichanoŭskaja ź ministarkaj zamiežnych spravaŭ Bielhii. Fota: Ofis Cichanoŭskaj

Cichanoŭskaja ź ministarkaj zamiežnych spravaŭ Bielhii. Fota: Ofis Cichanoŭskaj

Niekatoryja palityki da svaich vobrazaŭ dadali detali sinia-žoŭtaha koleru ŭ znak salidarnaści z Ukrainaj. Tak, prezident ZŠA Džo Bajden i namieśnik ministra zamiežnych spraŭ Litvy Mantas Adamienas abrali sinia-žoŭtyja halštuki, a prezidentka Parłamienckaj asamblei NATA Žael Harjo-Majlam upryhožyła kaścium broškaj-halinkaj u kolerach ukrainskaha ściaha.

Prezident ZŠA Džo Bajden. Fota: AP Photo/Susan Walsh

Prezident ZŠA Džo Bajden. Fota: AP Photo/Susan Walsh

Namieśnik ministra zamiežnych spraŭ Litvy Mantas Adamienas. Fota: Ofis Cichanoŭskaj

Namieśnik ministra zamiežnych spraŭ Litvy Mantas Adamienas. Fota: Ofis Cichanoŭskaj

Prezidentka Parłamienckaj asamblei NATA Žael Harjo-Majlam. Fota: Paul Ellis / Pool Photo via AP

Prezidentka Parłamienckaj asamblei NATA Žael Harjo-Majlam. Fota: Paul Ellis / Pool Photo via AP

12 lipienia delehaty zaviaršajuć svaju pracu i ŭžo zaŭtra pakinuć Litvu. Pra toje, jak prajšoŭ samit NATA-2023 u Vilni, čytajcie ŭ našych materyjałach.

Makron paabiacaŭ Zialenskamu techniku dla raźminavańnia

Cichanoŭskaja ŭziała ŭdzieł u sustrečy žančyn-lidarak u ramkach samitu NATA

Uładzimir Zialenski nazvaŭ vyniki samitu NATA «dobrymi»

NATA zhadała ŭ svaim kamiunikie pra rolu Biełarusi, PVK «Vahnier» i jadziernuju zbroju

Valeryj Sachaščyk — pra sustrečy padčas samitu NATA i Pryhožyna z vahnieraŭcami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?