Fota: AP Photo/Evgeniy Maloletka

Fota: AP Photo/Evgeniy Maloletka

Pa padlikach Forbes, 4 červienia, na pačatak kontrnastupleńnia, va Ukrainy na papiery było nie mienš za 2500 bujnakalibiernych harmat i puskavych ustanovak, u Rasii — kala 4500. Ukraina pieramahaje ŭ artyleryjskaj vajnie za košt pastaŭlenych zachodnich sistem, jakija bolš nadziejnyja, dakładnyja i dalnabojnyja, čym sistemy savieckaha ŭzoru.

Usiaho USU sfarmavali 13 artyleryjskich bryhad. Akramia taho, Niamieččyna, ZŠA, Narviehija i Vialikabrytanija adpravili Kijevu dziasiatki kontrbatarejnych radaraŭ, jakija vyjaŭlajuć artyleryjskija snarady i rakiety, vyznačajuć ich krynicu i dajuć kamandu družalubnym haŭbicam i puskavym ustanoŭkam adkryć ahoń u adkaz.

Pry hetym pierad uvarvańniem rasijskaja armija mieła vialikuju pieravahu ŭ kolkaści artyleryjskich harmat. Da pačatku vajny ŭ RF było 5000 artyleryjskich harmat — u try razy bolš, čym va Ukrainy. Ale za 17 miesiacaŭ bajoŭ pieravaha rasijskaj armii była padarvanaja: USU źniščyli 600 rasijskich harmat i puskavych ustanovak. Maskva za hety čas vyvieła sa stroju tolki 200 ukrainskich harmat.

Toje, što rasstanoŭka sił źmianiłasia, stała prykmietna viasnoj hetaha hoda. U siaredzinie krasavika Paŭdniovaje kamandavańnie USU paviedamiła pra «ŭražlivyja vyniki» ŭ svaich namahańniach pa niejtralizacyi rasijskaj artyleryi ź levaha bieraha Dniapra z dapamohaj kontrbatarejnaha ahniu.

Hetaje ž kamandavańnie ciapier adkazvaje za hałoŭnyja napramki kontrnastupleńnia na poŭdni krainy. Jakraz tam rasijskaja armija ciapier hublaje ŭ čatyry razy bolš artyleryjskich harmat, čym ukrainskaja, jak adznačaje Forbes.

Čytajcie taksama:

«Viedali, dzie spyniŭsia na adpačynak tavaryš hienierał». Ukraincy źniščyli jašče adnaho rasijskaha hienierała

Niamieččyna pieradaść Ukrainie 25 tankaŭ Leopard i dźvie ŭstanoŭki ZRK Patriot

Ukraina nanosić udary pa rasijskaj abaronie zdalok, kab nie ryzykavać bajcami — WSJ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?