U Mahilovie adkryli miemaryjalnuju došku Barysu Maisiejevu. Usie fota: mogilevonline / Telegram

U Mahilovie adkryli miemaryjalnuju došku Barysu Maisiejevu. Usie fota: mogilevonline / Telegram

Miemaryjalny bareljef ujaŭlaje saboj miedal. U centry — profil Maisiejeva. Pa kruzie raźmieščanaja cytata śpievaka: «Ja lublu hety horad, ja lublu hety dom», jak piša «Mahiloŭ Anłajn».

Skulptar — Filip Trušyn, jaki taksama prysutničaŭ na adkryćci miemaryjalnaj doški. 

Mierapryjemstva prajšło ŭ ramkach aficyjnaj prahramy zakryćcia fiestyvalu «Słavianski bazar» u Viciebsku.

Barys Maisiejeŭ — rasijski tancoŭščyk i estradny śpiavak, jaki prasłaviŭsia dziakujučy epatažnym manieram.

Mahiloŭ — jaho radzima, u Biełarusi jon pravioŭ dziacinstva i rańniuju maładość. A pamior Maisiejeŭ letaś 27 vieraśnia na 69-m hodzie žyćcia ŭ Maskvie.

Tearetyčna pieraškodaj dla ŭšanavańnia pamiaci Maisiejeva ŭ Mahilovie mahli stać praviły ŭstalavańnia miemaryjalnych znakaŭ nie raniej za peŭny termin paśla śmierci asoby. U Mahilovie hety termin — 5 hadoŭ paśla śmierci znakamitaha čałavieka. 

A taksama suprać ušanavańnia pamiaci Maisiejeva napiaredadni vystupili niekatoryja praŭładnyja błohiery, dla jakich tancor niedastatkova šanavaŭ tradycyjnyja skrepnyja kaštoŭnaści. 

Maisiejeŭ na pačatku 1990-ch adnym ź pieršych u Rasii zrabiŭ kaminh-aŭt i staŭ prezientavać siabie jak śpievaka-homaseksuała, što znajšło adlustravańnie i ŭ jaho repiertuary, ale heta nie pieraškadžała jaho vialikaj papularnaści ŭ 1990-ja. 

Клас
10
Панылы сорам
6
Ха-ха
3
Ого
4
Сумна
4
Абуральна
7