Zdymak ilustracyjny. Fota: Padlaski adździeł pamiežnaj słužby Polščy

Zdymak ilustracyjny. Fota: Padlaski adździeł pamiežnaj słužby Polščy

Vada ŭ kanał pierastała pastupać z boku polskaj častki Aŭhustoŭskaha kanała, paviedamili na dziaržaŭnym kanale «Hrodna Plus».

Pavodle viersii prapahandysckich telehram-kanałaŭ, pastupleńnie vady pa kanale pierakryli vyšej za ciačeńnie ad biełaruskaj častki — u rajonie hidravuzła Kužyniec na terytoryi Polščy. Pa centralnaj linii šluza jakraz prachodzić miaža pamiž dźviuma krainami. Šluzavańnie na biełaruskaj častcy kanała prypynili nibyta da 27 lipienia.

Na polskim baku siarod nasielnictva pašyranaja viersija, što vadu ŭ kanale nibyta źliŭ Łukašenka, kab mihrantam było lahčej niezakonna pierasiakać miažu. Ale nasamreč, jak miarkujuć polskija śpiecyjalisty, choć u stracie vady sapraŭdy vinavatyja sami biełarusy, tut niama ź ich boku admysłovaha namieru.

Takaja situacyja, maŭlaŭ, abumoŭlenaja šeraham faktaraŭ, u tym liku zasuchaj u basiejnie raki Čornaja Hanča ź viasny i nienaležnym kiravańniem vodnymi resursami na šluzie Kuržyniec z boku Biełarusi. Praź dziejańni biełarusaŭ zasaŭki na šluzie byli zabłakavanyja nazapašanymi halinkami, jakija płavajuć pa ciačeńni.

U polskim Ministerstvie infrastruktury padkreślivajuć, što praz hieahrafičnaje stanovišča palaki i biełarusy kirujuć šluzam Kuržyniec napałovu, a heta značyć, što biez dobraha ŭzajemadziejańnia pamiž słužbami šluz na kanale nie ačyścić.

Uzrovień vady na Aŭhustoŭskim kanale. Fota: «Hrodna Plus»

Uzrovień vady na Aŭhustoŭskim kanale. Fota: «Hrodna Plus»

Uzrovień vady nad šluzam Kuržyniec ciapier prykładna na 1 mietr nižejšy za minimalny ŭzrovień, ustanoŭleny dla hetaha abjekta, paviedamiŭ pradstaŭnik Ministerstva infrastruktury Polščy Šyman Huptyś.

U červieni 2023 hoda vadazbornaje ŭpraŭleńnie ŭ Aŭhustovie pasprabavała prybrać zavał ekskavataram, raspavioŭ Šyman Huptyś. Ale dastać usio draŭnianaje śmiećcie, jakoje nazapasiłasia pierad vierchniaj bramaj, nie atrymałasia praz abmiežavany pracoŭny dyjapazon mašyny. Ale pakolki apošnim časam biełarusy stali achvotniej supracoŭničać z palakami, to nieŭzabavie situacyja pavinna narmalizavacca.

U aŭtorak, 18 lipienia, sumiesna ź biełaruskim bokam uvachod u šluz zmahli kančatkova rasčyścić. Paśla ačystki ŭ vierchnich zasaŭkach byŭ abmiežavany niepradukcyjny adtok vady. Dziakujučy hetamu ŭzrovień vady ŭ Aŭhustoŭskim kanale na ŭčastku ad Kuržynca da Kudrynki na biełaruskim baku pavinien pastupova padniacca, ličyć polski čynoŭnik.

Čytajcie taksama:

Vystavili na abmierkavańnie płan raźvićcia ŭčastka Aŭhustoŭskaha kanała

U Hrodnie zazielanieła voziera

U Hrodnie źnik pamiatny znak paŭstancam 1863 hoda

Клас
9
Панылы сорам
3
Ха-ха
7
Ого
3
Сумна
3
Абуральна
4