«Vahnieraŭcy» trenirujuć biełaruskich vajskoŭcaŭ. Fota: Minabarony via AP

«Vahnieraŭcy» trenirujuć biełaruskich vajskoŭcaŭ. Fota: Minabarony via AP

10 prybyłych kałon naličvali 670-700 adzinak aŭtamabilnaj techniki, siarod jakoj absalutnaja bolšaść składali pikapy UAZ Patryjot. Byli i pikapy inšych marak, naprykład, Mitsubishi L200, a taksama «buchanki», KamAZy i Urały, uklučajučy tentavanyja, u jakich časam pieravoziŭsia asabovy skład, aŭtobusy, fury i budaŭničaja/inžyniernaja technika.

Pavodle acenak BH, kolkaść najmitaŭ u Biełarusi ŭžo składaje 3450-3650 čałaviek. Usie kałony nakiroŭvalisia i prybyli ŭ namiotavy łahier u v.Cel pad Asipovičami.

Acenka zasnavanaja na kolkaści techniki, jakaja prybyła ŭ Biełaruś i prybyćcio jakoj było paćvierdžanaje, padkreślivaje Biełaruski Hajun.

Raniej kiraŭnictva PVK «Vahnier» zajaŭlała, što ŭ Biełaruś pierabazujecca da 10 tysiač bajcoŭ hetaj kampanii. 

PVK «Vahnier» farmalna ličycca pryvatnaj vajskovaj kampanijaj, ale faktyčna była stvoranaja Hienštabam Rasii dla vykanańnia śpiecyjalnych zadač i pad vyhladam, što za hetym nie staić aficyjnaja Maskva. PVK «Vahnier» paniesła ciažkija straty padčas napadu na Ukrainu. Pavodle infarmacyi kiraŭnictva struktury, stanam na 20 maja z 79 tysiač najmitaŭ byli zabityja 22 tysiačy, paranienyja 40 tysiač.

Čytajcie taksama:

Apublikavanyja śviežyja spadarožnikavyja zdymki łahiera PVK «Vahnier» pad Asipovičami

Клас
0
Панылы сорам
1
Ха-ха
0
Ого
0
Сумна
2
Абуральна
1