Vyjava: Google

Vyjava: Google

Novaja testavaja fiška dazvalaje karystalniku ŭvodzić padkazku dla stvareńnia fonu dla vykliku. Funkcyja, pieršuju infarmacyju pra jakuju apublikavaŭ adzin z karystalnikaŭ tvitara, — heta častka Google Workspace Labs. Heta aznačaje, što pakul tolki niekalki čałaviek, jakija ŭdzielničajuć u teście, zmohuć testavać i vykarystoŭvać hetuju funkcyju.

Jak tłumačycca na staroncy techpadtrymki Google, testavalniki majuć nacisnuć knopku «Užyć vizualnyja efiekty» > «Stvaryć fon» (Apply Visual Effects > Generate a background), i adkryjecca pole dla ŭvodu padkazki. Vy možacie ŭvieści padkazku nakštałt «Raskošny interjer haścioŭni» i navat vybrać styl: «Fatahrafija», «Ilustracyja» abo «Fantazija». 

Taksama karystalnik zmoža pabačyć inšyja prapanovy dla zhienieravanych fonaŭ na asnovie vašaj padkazki. Kali ž karystalnik paličyć zhienieravany kantent niebiaśpiečnym, jon zmoža adpravić vodhuk u Google ab hetym.

Raniej Google ŭžo ekśpierymientavaŭ z hienieracyjaj fonu z dapamohaj ŠI. U pryvatnaści, kampanija anansavała hienieratyŭnyja ŠI špalery, kali karystalnik moža pieratvaryć tekst u malunak dla stvareńnia novych i aryhinalnych špaleraŭ dla svajoj mabilnaj pryłady. Darečy, kampanija Snap u krasaviku taksama prezientavała svaju funkcyju stvareńnia fonu na asnovie ŠI dla padpisčykaŭ Snapchat+, raspaviadaje Techcrunch.

U hetym hodzie pošukavy hihant vypuściŭ šyroki nabor funkcyj dla Google Meet, u tym liku emodzi-reakcyi, padtrymku strumianiovaj pieradačy 1080p i funkcyju spałučeńnia plitak. Apošniaja, naprykład, vyłučaje abiedźvie plitki, kali adzin z udzielnikaŭ havoryć, što palahčaje padklučeńnie surdapierakładčyka da pramoŭcy.

Čytajcie taksama:

Google Lens ciapier moža šukać zachvorvańni skury

Jak pačyścić vaš akaŭnt u Google Play — pakrokavy hajd

Čat-boty sa štučnym intelektam pišuć naviny. Jak heta źmianiaje pracu redakcyj

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?