Fota Laŭčuk i błohiera BalaganOFF, jakoje vykłali telehram-kanały łukašenkaŭskaj prapahandy

Fota Laŭčuk i błohiera BalaganOFF, jakoje vykłali telehram-kanały łukašenkaŭskaj prapahandy

U Kijevie błohier BalaganOFF (Alaksandr Rykaŭ) abiedaŭ razam z opiernaj śpiavačkaj Marharytaj Laŭčuk. Niechta ich sfatahrafavaŭ. Praź niejki čas fota akazalisia na kanałach prapahandy — «Žoŭtyja źlivy» apublikavali zdymki ŭčora ŭviečary. Prapahandyst Ryhor Azaronak zrabiŭ repost i zaklikaŭ «bić mordy».

Siońnia błohier vykłaŭ videa zatrymańnia mužčyny ŭkrainskimi siłavikami — pa jaho słovach, taho samaha, chto dasłaŭ fota ź im i Laŭčuk łukašenkaŭskim prapahandystam. Alaksandr u efiry «Jeŭraradyjo» skazaŭ, što śpiecsłužby Ukrainy dazvolili jamu navat pahavaryć z zatrymanym i zapisać ź im karotkaje intervju dla jaho błoha. Intervju pakul što nie vyjšła.

Skryn videa zatrymańnia 

Skryn videa zatrymańnia 

Asoba zatrymanaha mužčyny nie raskryvajecca. Učora telehram-kanał «Žoŭtyja źlivy», publikujučy fota Laŭčuk i Rykava, padkreśliŭ, što pra heta im «paviedamiła ahientura» i fota dasłali niepasredna im. Ci tak było nasamreč, pakul nie viadoma.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?