Juryj Arystaŭ. Fota: Facebook

Juryj Arystaŭ. Fota: Facebook

Juryj Arystaŭ nie prosta deputat, a namieśnik kiraŭnika kamiteta Viarchoŭnaj Rady pa pytańniach nacbiaśpieki, abarony i raźviedki.

24 lipienia vydańnie «Ślidstvo.Info» paviedamiła, što Arystava ŭ siaredzinie lipienia zaŭvažyli ŭ piacizorkavym hateli Waldorf Astoria Maldives, raźmieščanym na pryvatnym vostravie Itchaafušy na Maldyŭskich astravach.

Žurnalisty patelefanavali ŭ hatel, dzie im paćvierdzili, što Arystaŭ sapraŭdy byŭ ich hościem, ale ŭžo vysieliŭsia.

Paśla hetaha kiraŭnik frakcyi «Słuha naroda» David Arachamija zajaviŭ, što inicyjuje pytańnie ab nieadkładnym prypynieńni siabroŭstva Arystava ŭ frakcyi. Jon dadaŭ, što zapytaŭ usie dakumienty pa kamandziroŭkach i ŭ vypadku paćviardžeńnia zapatrabuje ad deputata składańnia mandata. Uviečary 25 lipienia Arystaŭ padaŭ u parłamient adpaviednuju zajavu.

Na nastupny dzień Słužba biaśpieki Ukrainy paviedamiła, što ŭ dačynieńni da deputata zaviedziena kryminalnaja sprava pa artykule ab słužbovym padłohu (častka 1 artykuła 366 KK Ukrainy). U viedamstvie zajavili, što dla nielehalnaha vyjezdu za miežy Ukrainy byli ŭniesieny chłuślivyja źviestki ŭ aficyjnyja dakumienty, u pryvatnaści, adnosna terminu, mety i krainy «słužbovaj kamandziroŭki». U kvatery deputata praviali pieratrus, padčas jakoha znajšli zamiežny pašpart z adznakami pra pajezdku na Maldyvy.

Skandał z Arystavym zhadaŭ i prezident Ukrainy Uładzimir Zialenski ŭ viačernim zvarocie 25 lipienia. Jon adznačyŭ, što

«niekatorym asobam zdajecca, što vajna dzieści tam, dzieści daloka ad ich, jak byccam kupał Viarchoŭnaj Rady, abo ścieny niejkich kabinietaŭ, abo pieralik niejkich paŭnamoctvaŭ mohuć zakryć ad realnaści».

U studzieni 2023 hoda Rada nacyjanalnaj biaśpieki i abarony Ukrainy zabaraniła vyjezd čynoŭnikam za miažu. Zhodna z rašeńniem RNBA, u pieryjad mabilizacyi i vajennaha stanovišča dziaržsłužboŭcy mohuć vyjazdžać za miežy Ukrainy tolki ŭ słužbovyja kamandziroŭki.

Niezadoŭha da hetaha namieśnik hienprakurora Ukrainy Alaksiej Simanienka, jaki ŭ kancy červienia 2022 hoda jeździŭ u adpačynak u Ispaniju, napisaŭ zajavu ab zvalnieńni. Pavodle źviestak «Ukrainskaj praŭdy», kali pra adpačynak Simanienki stała viadoma hramadstvu, jaho paprasili pajści ŭ adstaŭku.

Čytajcie taksama:

U Kijevie chtości sfatahrafavaŭ Laŭčuk i ŭkrainskaha błohiera. Zdymkami pachvalilisia «Žoŭtyja źlivy» i Azaronak — i čałavieka zatrymali

Na Viciebščynie z pačatku hoda sudziać užo vośmaha deputata

Ukrainski deputat źviazaŭ temu reparacyj ad Biełarusi z dalejšym raźvićciom padziej

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?