Skryn rolika

Skryn rolika

U roliku abyhryvajecca situacyja, u jakoj byccam by ŭ Hiermanii da siamji ź dziciom prychodziać, kab zabrać usie rečy dla Ukrainy, a ŭ kancy zmušajuć ich kryčać «chajl, Zialenski». Padavali jaho prapahandysty jak rolik partyi «Alternatyva dla Hiermanii», jakaja viadomaja svaimi prarasijskimi pohladami. Jahonaj krynicaj, vidać, byli kanały, źviazanyja z chołdynham Russia Today. Siarod bujnych kanałaŭ biełaruskaj prapahandy jaho apublikavali «Žoŭtyja źlivy», ANT i BT.

Ale vyjaviłasia, što ŭsie akciory, jakija ŭ roliku zdymalisia, rodam z Rasii i žyvuć tam pastajanna. Na heta źviarnuła ŭvahu rasijskaja redakcyja «Radyjo Svaboda»: žurnalisty adšukali čatyroch čałaviek z šaści. My adšukali jašče dvaich — ciapier možna śćviardžać, što ŭsie akciory rolika žyvuć u Rasii.

Julija Koniuchava. Fota: YouTube / jaje staronka «UKantakcie»

Julija Koniuchava. Fota: YouTube / jaje staronka «UKantakcie»

U centry historyi — muž i žonka. Žonku syhrała 35-hadovaja aktrysa Julija Koniuchava (Maślajeva). Rodam jana z Kuźniecka, horada ŭ Pienzienskaj vobłaści Rasii. Skončyła Sarataŭski teatralny instytut. Zdymajecca ŭ asnoŭnym u sieryjałach i rekłamie. Padobna, što jaje muž — vajskoviec, bo jaje mašyna zarehistravanaja pa tym ža adrasie, dzie znachodzicca vajskovaja čaść №42261, jakaja zahadvaje 3-m centralnym navukova-daśledčym instytutam Minabarony RF.

Valancin Varabjoŭ. Fota: YouTube / jahonaja staronka «UKantakcie»

Valancin Varabjoŭ. Fota: YouTube / jahonaja staronka «UKantakcie»

Muža hraje 39-hadovy akcior Valancin Varabjoŭ z Sankt-Pieciarburha. Jon skončyŭ Rasijski dziaržaŭny instytut sceničnych mastactvaŭ u 2007 hodzie. Paśla hetaha pracavaŭ u niekalkich teatrach, a z 2012-ha zdymaŭsia ŭ kino. U mužčyny niama viadomych rolaŭ. Na jahonaj staroncy «UKantakcie» napisana, što «jon žyvie ŭ Sankt-Pieciarburhu, ale maryŭ by žyć u Ńju-Jorku». 

Julija Mandryka. Fota: YouTube / jaje staronka «UKantakcie»

Julija Mandryka. Fota: YouTube / jaje staronka «UKantakcie»

Načalnicu «sałdat», jakija rabujuć dom siamji, syhrała 45-hadovaja aktrysa Julija Mandryka (u dziavoctvie — Hantkievič). Rodam jana ź Biełharada, skončyła tam u 1998-m fakultet estradna-džazavaha vakału. Paśla jana šmat vučyłasia i šmat ihrała ŭ teatrach, a taksama ŭ kavier-bendzie. U kino pryjšła ŭ 2015-m.

Klim Tomsan. Fota: YouTube / jahonaja staronka «UKantakcie»

Klim Tomsan. Fota: YouTube / jahonaja staronka «UKantakcie»

Pieršy z troch «sałdat» — 21-hadovy akcior Klim Tomsan. Rodam jon z horada Padolska, jaki znachodzicca ŭ Padmaskoŭi. Jon syhraŭ u sieryjale «Kantakt», a asnoŭnaja jahonaja śpiecyjalizacyja — kaskadzior. 

Ihar Alaksiejeŭ u roliku i ŭ inšaj roli. Fota: YouTube/iahonaja staronka «UKantakcie»

Ihar Alaksiejeŭ u roliku i ŭ inšaj roli. Fota: YouTube/iahonaja staronka «UKantakcie»

Jašče adzin «sałdat» — 26-hadovy akcior Ihar Alaksiejeŭ. Rodam jon z horada Padolska. Skončyŭ Rasijski instytut teatralnaha mastactva ŭ 2021 hodzie. Maje taksama techničnuju adukacyju pa śpiecyjalnaści «infarmatyka i vyličalnaja technika». Syhraŭ bolš za 20 rolaŭ u roznych rolikach i sieryjałach, u asnoŭnym epizadyčnych, a taksama ahučvaŭ Nika Uajlda ŭ mulfilmie «Źvierapolis».

Arciom Ščerba. Fota: YouTube / kinolift.ru

Arciom Ščerba. Fota: YouTube / kinolift.ru

Apošni «sałdat», mierkavana, akcior rekłamy, madel i chostes (čałaviek, jaki sustrakaje i supravadžaje haściej mierapryjemstvaŭ), 27-hadovy Arciom Ščerba. U svaim reziume jon kaža, što z 18 hadoŭ zajmaŭsia płavańniem, a z 22-ch pačaŭ praktykavać johu.

Takim čynam, anivodnaha niemca ŭ roliku tak i nie pakazali, a sam jon, chutčej za ŭsio, źniaty ŭ Rasii ŭ prapahandysckich metach.

Na sajcie partyi «Alternatyva dla Hiermanii» zhadak pra rolik niama.

Čytajcie taksama:

Prapahandysty vyrašyli pakazać biełarusaŭ, jakija «nie zmahli žyć u Hiermanii». Ale tyja akazalisia byłymi siłavikami

Prapahandysty vykłali «sakretny dakumient pra katastrafičnyja straty Ukrainy». Ale jon akazaŭsia fejkam

Naradziŭsia va Ukrainie, byŭ drobnym čynoŭnikam, vajavaŭ u Afrycy. Raskrytaja asoba «Pijaniera», jaki ŭznačaliŭ «Vahnier» u Biełarusi

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?