Fota: sacsietki Alaksandry Hierasimieni

Fota: sacsietki Alaksandry Hierasimieni

Padniaty padbarodak

Nie treba padnimać vočy ŭharu, kab pahladzieć, kudy płyvieš. Stanovišča cieła pavinna być roŭnym — u tym liku i hałava. Nie bojciesia namačyć padbarodak. Uspomnicie, jak vy zvyčajna staicie — voś takim ža pavinna być stanovišča cieła ŭ vadzie. Kali vy pad čas płavańnia bačycie ludziej na plažy, vy dakładna robicie ŭsio niapravilna.

Kiści niapravilna ŭvachodziać u vadu

Zapomnicie: kiść nie pavinna być praciaham ruki, jana pavinna ŭvachodzić u vadu krychu pad vuhłom. Kali jany razam utvarajuć liniju, to ruka kryva ŭvachodzić u vadu i idzie ŭbok zamiest taho, kab iści napierad. 

Niapravilnaja praca noh ad kalena

Čaściej za ŭsio niedaśviedčanyja płyŭcy prosta zhinajuć-razhinajuć kaleni. A naha pavinna pracavać usia — u tym liku i ściahno. Važna, kab u vadzie nohi byli praktyčna pramyja.

Płyviec nie pavaročvaje cieła

Jašče adna pamyłka pačatkoŭcaŭ — trymać korpus u napružańni i intensiŭna pracavać rukami. Treba, kab padčas płavańnia cieła kruciłasia jak vint, jaki zakručvajuć, — naprava-naleva dla taho, kab było lohka pranosić ruki. Plečy pry hetym pavinny pieramiaščacca tolki ŭniz-uvierch.

Niapravilnaje raźmierkavańnie centra ciažaru ŭsiaho cieła

Ujavicie, što vy staicie na adnoj nazie ci robicie «łastaŭku» — kab vykanać hetaje praktykavańnie, treba złavić bałans. Toje samaje datyčycca i płavańnia. Davoli časta ludzi nie mohuć złavić bałans u vadzie, i tady nohi pačynajuć tanuć i pieratvarajucca ŭ jakar, jaki prytarmožvaje. U vyniku davodzicca prykładać šmat sił i enierhii dla taho, kab prasunuć siabie napierad. A kali złavić bałans, to možna lohka płyć i atrymlivać asałodu zamiest taho, kab zmahacca sa stychijaj.

Čytajcie taksama:

Voś što treba viedać pra fizičnuju aktyŭnaść, kali vaša meta — pachudzieć

Francuzskaja Ryŭjera bolš nie ŭ trendzie. Kolki kaštuje adpačynak na top piaci kurortach, dzie baviać čas realna bahatyja i znakamityja

Pałova novych lekaŭ na rynku nie maje dadatkovaj terapieŭtyčnaj kaštoŭnaści

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?