Aleś Puškin na vystavie ŭ Kijevie, 25 sakavika 2021 hoda. Fota: Radyjo Svaboda

Aleś Puškin na vystavie ŭ Kijevie, 25 sakavika 2021 hoda. Fota: Radyjo Svaboda

Piać hadoŭ za karciny na vystavie ŭ Hrodnie i pierformans u Kijevie

Pravaabaroncam stała viadoma, što pavodle art. 370 Kryminalnaha kodeksa (ździek ź dziaržaŭnych simvałaŭ) kvalifikavali jaho pierformans u Kijevie. Tam na vystavie biełaruskaha pratesnaha mastactva «Kožny dzień» Aleś uznaviŭ svoj samy viadomy pierformans «Hnoj dla prezidenta», ale krychu abnoŭleny — na partrecie Alaksandra Łukašenki, zamiest nadpisu «Za 5-hadovuju plonnuju pracu» jon raźliŭ čyrvonuju farbu, jakaja simvalizavała kroŭ.

Aleś Puškin kazaŭ na adkryćci vystavy 25 sakavika 2021 hoda niezadoŭha da svajho zatrymańnia, što jamu pryjemna adkryvać prezientacyju biełaruskaha sučasnaha mastactva ŭ Kijevie i adnačasova sumna:

«Sumna tamu, što i praz 22 hady moj pierformans aktualny, i ja prykaciŭ hetuju tačku ŭ Mastacki arsienał, zrabiŭ toje samaje, tolki paliŭ čyrvonaj farbaj partret Łukašenki, jaki staŭ užo kryvavym dyktataram».

Nahadajem, u lipieni 1999 hoda, na piacihodździe kiravańnia Alaksandra Łukašenki, mastak prykaciŭ tačku z hnojem da administracyi prezidenta ŭ Minsku. Jon raskidaŭ hnoj i devalvavanyja rubli, źvierchu pakłaŭ Kanstytucyju, partret Łukašenki, i ŭsio heta prakałoŭ viłami. Za hetuju akcyju mastak taksama byŭ asudžany da dvuch hadoŭ pazbaŭleńnia voli ŭmoŭna.

Jak było viadoma raniej, pryčynaj dla art. 130 Kryminalnaha kodeksa stała raźmiaščeńnie partretaŭ pradstaŭnikoŭ biełaruskaha antysavieckaha supracivu Michała Vituški, Usievałada Rodźki i Jaŭhiena Žychara na vystavie ŭ hrodzienskim «Centry haradskoha žyćcia», što traktavali jak «reabilitacyju nacyzmu». Karcina Žychara była napisana ŭ 2014 hodzie i raniej ekspanavałasia ŭ Biełarusi i Rasii. Padčas vystavy mastak byŭ u Kijevie, dzie ŭdzielničaŭ u vystavie «Kožny dzień». Viedajučy pra kryminalnuju spravu, Puškin vyrašyŭ viarnucca ŭ Biełaruś.

Apošni pierformans mastaka na sudzie 

Sud nad mastakom raspačaŭsia 10 sakavika 2022 hoda. Jaho amal adrazu zrabili zakrytym. Praz 20 dzion sudździa Alena Šylko pryznačyła jamu piać hadoŭ źniavoleńnia ŭ kałonii strohaha režymu. 

Na sudzie Aleś byŭ u biełym kambiniezonie z nadpisam «Biełrestaŭracyja», u jakim jaho zatrymali 30 sakavika 2021 hoda ŭ vioscy Žyličy Kiraŭskaha rajona Mahiloŭskaj vobłaści, dzie mastak pracavaŭ na restaŭracyi pałaca Bułhakaŭ. Na sudzie jon lažaŭ na łaŭcy. U budynak jaho taksama ŭnieśli ŭ haryzantalnym stanoviščy, u sud jon iści admaŭlaŭsia.

Pravaabaroncam «Viasny» stała viadoma, što na sud jaho nasili ŭ kajdankach. Za heta kanvairy składali na jaho pa dva raparty kožny dzień, a sudździa dałučała ich da materyjałaŭ spravy.

Viadoma, što 25 sakavika Aleś Puškin na znak pratestu suprać svajho źniavoleńnia i 5000 palityčnych kryminalnych spraŭ, adkrytych u Biełarusi, parezaŭ sabie žyvot. 30 sakavika, padčas abviaščeńnia prysudu Puškin raspranuŭsia, kab byli bačnyja drapiny ŭ formie kryža, i zapatrabavaŭ vyzvaleńnia ŭsich palitviaźniaŭ. Taksama mastak padziakavaŭ prysutnym za ŭdzieł u palityčnym pierformansie.

Pavodle infarmacyi pravaabaroncaŭ «Viasny», Aleś Puškin padrychtavaŭ apošniaje słova na 23 staronki, ale praz toje, što sud byŭ zakryty, hramadskaść jaho nie pačuła.

Karcar padčas suda

Pravaabaroncam «Viasny» stała viadoma, što Alesia adpravili ŭ karcar 18 sakavika — jašče da pierformansu na sudzie. Adpravili jaho tudy za podpisam načalnika izalatara Andreja Cedryka za «nieprystojnyja pavodziny» na adnym z sudovych pasiadžeńniaŭ. 15 sutak Alesia ŭtrymlivali ŭ karcary № 2.

***

Unočy z 10 na 11 lipienia jaho pryvieźli z turmy ŭ reanimacyju hrodzienskaha špitala ŭ nieprytomnym stanie. Tam jon, pa nieaficyjnaj infarmacyi, skanaŭ ad nastupstvaŭ prabadnoj jazvy straŭnika: padčas apieracyi ŭ jaho spyniłasia serca. Mastaka pachavali na radzimie ŭ Babry Krupskaha rajona.

Jak stała viadoma paźniej, mocnyja boli ŭ Alesia Puškina pačalisia jašče ŭ siaredzinie červienia. Adnak turemnyja daktary abmiažoŭvalisia kapieječnymi bolespatolnymi srodkami i chacieli adpravić Puškina ŭ ŠIZA za simulacyju.

Boli narastali i narastali. Za try-čatyry dni da špitalizacyi boli ŭ Alesia Puškina stali niaścierpnymi, adnak jaho nie nakiravali ŭ haradski špital. Jamu stali davać tolki mocnyja bolespatolnyja srodki. Kali b Puškina pryvieźli choć na niekalki dzion raniej, chirurhi, imavierna, jaho ŭratavali b.

Miedčastkaj hrodzienskaj turmy kiruje Viktar Łutcaŭ.

Čytajcie taksama:

32 — za, suprać — 1, ustrymaŭsia — 1. Takija byli vyniki hałasavańnia pa pytańni vyklučeńnia Alesia Puškina z Sajuza mastakoŭ

Fotafakt: Malunak turmy, zrobleny Alesiem Puškinym u 2012 hodzie

«Usio ž časy byli tady inšyja». Pachavańnie Alesia Puškina ŭ 2023-m vs pachavańnie Łarysy Hienijuš u 1983-m

Hałoŭnaja tajamnica Alesia Puškina

«Niabačnyja» śviedki spravy Alesia Puškina. Chto danios na mastaka

«A tiepieŕ davajtie jeŝie raz, na normalnom jazykie». Što adbyvałasia z Alesiem Puškinym za kratami

Sudździa, viadomaja mnohim palitviaźniam, i prakuror ź miedalom ad Łukašenki. Chto sudziŭ Alesia Puškina

Aleś Puškin: chto hety hienijalny mastak i palitviazień, što zhinuŭ u źniavoleńni

Клас
5
Панылы сорам
1
Ха-ха
0
Ого
0
Сумна
24
Абуральна
10