Fota: BiełTA

Fota: BiełTA

«Takija niezaležnyja i sacyjalna aryjentavanyja krainy, jak Biełaruś, — kostka ŭ horle dla Zachadu. Pra heta zajaviła staršynia Savieta Respubliki Natalla Kačanava padčas sustrečy z pracoŭnym kalektyvam AAT «Minski domabudaŭničy kambinat», piša BiełTA.

«Vy bačycie, što palityčnaja situacyja, jakaja składvajecca vakoł našaj krainy, sapraŭdy niaprostaja. Kali jašče ŭ 2020 hodzie kamuści było niezrazumieła, to try hady prajšło — i ŭsie ŭbačyli, što heta było vyrazna nakiravana na razvał našaj krainy. Takija krainy, jak naša, — kostka ŭ horle dla mnohich. Bo my žyviom svaim rozumam, svaimi tradycyjami, i ŭsio ŭ krainie robicca dla naroda. Ale samaje hałoŭnaje — treba razumieć, što treba zachavać krainu. Nie budzie nam ščaścia nidzie ŭ inšaj krainie», — skazała Natalla Kačanava.

Biełaruś za 30 hadoŭ zdoleła pabudavać suvierennuju, niezaležnuju krainu, jak miarkuje treci čałaviek u krainie.

«My dakładna pamiatajem, što adbyvałasia i jak my apynulisia na razvale Savieckaha Sajuza. Była kraina — i niama. I voś za hety pieryjad pabudavali pryhažuniu-krainu.

Siońnia ŭsie pryjazdžajuć i kažuć: cudoŭnaja kraina. Vučyciesia, pracujcie, stvarajcie siemji, naradžajcie dziaciej. Chto jak choča realizavać siabie ŭ našaj krainie — usie mahčymaści dla hetaha jość», — adznačyła śpikier.

«Sacyjalna aryjentavanaja dziaržava — naš pryjarytet, — padkreśliła Natalla Kačanava. — Kab zachavać tyja sacyjalnyja vyhody, jakija maje naša dziaržava i našy ludzi, pavinny pracavać pradpryjemstvy, bo adličeńnie padatkaŭ, farmiravańnie biudžetu dazvalaje vypłačvać piensii, dapamohu siemjam, jakija vychoŭvajuć dziaciej, vyrašać pytańni ŭ [halinie] achovy zdaroŭja, nabyvajučy sučasnaje abstalavańnie i vypłačvajučy zarabotnuju płatu lekaram, nastaŭnikam,

harantujučy biaśpieku našaj krainy i spakoj na našych vulicach.

Heta darahoha varta. I na heta ŭsio, viadoma, patrebnyja srodki. Dla hetaha pavinny pracavać takija pradpryjemstvy, jak vaša».

Čytajcie taksama:

Natalla Kačanava zajaviła, što časam joj chočacca ŭstać i kryčać

«Natalla Ivanaŭna, vy možacie prosta adčynić nam varoty nočču». Prakopjeŭ źviarnuŭsia da Kačanavaj

Natalla Kačanava: My pravodzim vialikuju pracu ŭ krainie, kab zrabić žyćcio našych ludziej lepšym

Kolki kaštuje modny «łuk» Kačanavaj?

Клас
0
Панылы сорам
11
Ха-ха
30
Ого
2
Сумна
1
Абуральна
15