Rada taksama ŭvodzić dadatkovuju zabaronu na ekspart ahniastrelnaj zbroi i bojeprypasaŭ, a taksama tavaraŭ i technałohij, prydatnych dla vykarystańnia ŭ avijacyi i kaśmičnaj halinie.

Novyja abmiežavalnyja miery ŭvodziacca ŭ paskoranym paradku i zaklikany zabiaśpiečyć niemahčymaść abychodu praź Biełaruś uviedzienych u dačynieńni da Rasii sankcyj.

«Źmieny taksama pryvodziać sankcyi ŭ dačynieńni da Biełarusi ŭ adpaviednaść z sankcyjnym režymam u dačynieńni da Rasii», — udakładnili ŭ Jeŭrakamisii.

Pa słovach namieśnika kiraŭnika Abjadnaha pierachodnaha kabinieta Paŭła Łatuški, hety pakiet sankcyj pačaŭ aktyŭna rychtavacca ES bolš za paŭhoda tamu.

«U novym pakiecie nie praduhledžvajecca nijakich vyklučeńniaŭ dla biełaruskaha kaliju. Taki vynik šmat u čym źjaŭlajecca vynikam našaj karpatlivaj pracy jak z nadnacyjanalnymi orhanami ES, tak i dziaržavami-členami sajuza».

Jon dadaje, što ŭ chutkim časie taksama čakajecca pryniaćcie sankcyj u dačynieńni da režymu Łukašenki i z boku ZŠA.

Клас
9
Панылы сорам
0
Ха-ха
2
Ого
0
Сумна
0
Абуральна
1