U letniaj kalekcyi Elema my zaŭvažyli kaścium sa štanami, jaki całkam nahadvaje dvojku viadomaha biełaruskaha brenda Kardash.

Elema

Fota: instahram brenda Elema

Adroźnivajecca jon ad aryhinała raźmiaščeńniem kišeniaŭ na žakiecie i pojasam štanoŭ: u Kardash jon na humcy, u «Elemy» — na pojasie. Asnoŭnyja kanstruktyŭnyja elemienty, a taksama koler skapijavanyja adzin u adzin.

Olha Kardaš

Fota: instahram brenda Kardash

Volha Kardaš, jakoj naležyć ideja kaściuma, padzialiłasia svaimi dumkami datyčna takoha «supadzieńnia»:

 — U hetaj historyi niepryjemnyja dźvie rečy. Pieršaja — što, u adroźnieńnie ad nievialikich brendaŭ, u jakich niama dyzajnieraŭ i jakija «zatočanyja» na prodaž kopij, u «Elemy» dyzajnierskaja kamanda jość. Pry hetym na pradpryjemstvie nastolki drenna z kreatyvam, što jany kraduć usiu ideju całkam: ad samoj madeli da kalarovaj hamy. Škada, što brend, jaki mieŭ patencyjał, nie raźvivajecca i štampuje čužoje. Mnie za ich sumna.

Druhaja niepryjemnaja reč, jakuju zhadvaje Volha, — zarobak. Kapijujučy čužyja idei, vialiki vytvorca nie śpiašajecca vypłačvać aŭtarski hanarar sapraŭdnamu dyzajnieru.

— Pradpryjemstva zarablaje na majoj idei, dumajučy, što nichto hetaha nie zaŭvažyć. Kryŭdna, ale hetuju situacyju ja nijak vypravić nie mahu. Da taho ž «Elema» — tolki viaršynia ajśbierha, i vypadkaŭ płahijatu za historyju isnavańnia majho brenda było šmat. Adzin raz ja sprabavała pryniać miery, ale heta skončyłasia niervavańniem. Ciapier ja staŭlusia da situacyi pa-fiłasofsku: vyrašyła, što nie budu ŭłazić u hetyja razborki. 

Šmathadovy dośvied pracy ŭ fashion-biznesie dapamahaje Volzie hladzieć na kradziež jaje madelej ź inšaha, bolš pazityŭnaha, boku:

— Spačatku, kali ŭźnikali takija situacyi, mianie heta chvalavała. Ale ciapier ja staŭlusia da kapijavańnia jak da kamplimientu. U kančatkovym vyniku ja adroźnivajusia ad płahijataraŭ tym, što jany nie mohuć ničoha prydumać, a ja mahu. I prydumlaju.

My nakiravali zapyt nakont kamientara ŭ markietynhavuju słužbu «Elemy», a taksama napisali ŭ instahram brenda. Pradstaŭniki kampanii pakul nie adkazali.

Čytajcie taksama:

Viadomy dyzajnierski brend pierapradavaŭ rečy z H&M? Skandał u biełaruskaj modzie

Piać rečaŭ, jakija psujuć luby vobraz

Jakija kolery buduć aktualnyja hetaj vosieńniu. Instytut Pantone vyznačyŭ hałoŭnyja adcieńni siezona

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?