Ihar Vałabujeŭ

Ihar Vałabujeŭ

«Ja sam nie viedaju dakładna, za što mnie dali ŭznaharodu. Ja byŭ paranieny pad Bachmutam i dva miesiacy adnaŭlaŭsia. Mianie paraniła ŭ plačo. My vyciahvali paranienaha bajca, ciahnuli ŭ akopie pad abstrełam.

Tam było bałota pa kalena, hraź. My jaho ciahnuli mietraŭ sto dzieści hadzinu, vyciahnuli navierch, dzie byŭ raniej punkt evakuacyi, a potym rasijanie tak pačali stralać, što braniatechnika nie mahła ŭžo padjechać. Tamu paŭtara kiłamietra treba było na sabie jaho nieści.

Jon lažaŭ na ziamli i byŭ u prytomnaści, my sprabavali addychacca.

Ja vyrašyŭ, što vaźmu hnutkija nasiłki, a pobač stajaŭ małady chłopiec, hadoŭ 20-ci, jon pakłaŭ mnie ruku na bronik (broniekamizelku) i kaža: «Stań pierada mnoj».

Ja staŭ u centr: z adnaho boku było try čałavieki, a z druhoha — čatyry. My padnialisia, zrabili dva kroki — i prahučaŭ vybuch. Ja dumaŭ, što heta było praktyčna za nami.

Nas usich raskidała. Kali ja jaho ŭbačyŭ, to padumaŭ, što jaho razarvała napałovu. Akazałasia, što nie, ale jon zahinuŭ. Heta byŭ małady biełarus, faktyčna jon prykryŭ mianie saboj i zahinuŭ. Jon čamuści vyrašyŭ, što pavinien tam stajać, choć tam pavinien byŭ być ja.

Voś tak mnie prylacieła, usie byli paranienyja, i paranieny atrymaŭ jašče adno ranieńnie, i ja taksama, ale paranienaha ŭsio roŭna vyciahnuli, i jon zastaŭsia žyvy», — raskazaŭ Ihar Vałabujeŭ.

Imia i proźvišča zahinułaha biełarusa były bankir nie nazvaŭ, sam jon słužyć u Internacyjanalnym lehijonie USU.

Čytajcie taksama:

Zahinuŭ jašče adzin biełaruski dobraachvotnik

U Kijevie raźvitalisia z zahinułym bajcom bataljona «Vołat» Pałka Kastusia Kalinoŭskaha FOTY

Zahinuli čatyry bajcy pałka Kalinoŭskaha

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?