Jak paviedamlaje Mayday team, u 2020 hodzie prafiesar Bubnoŭ apublikavaŭ artykuł «Pieradumovy biełaruskaha pratestu ŭ 2020 hodzie» ŭ małaviadomym štohadovym navukovym almanachu «Mołodiežnaja hałaktika».

Štohodnik vydajecca ŭ Sankt-Pieciarburhu i ŭ Biełarusi ličycca zamiežnym navukovym časopisam. Biełaruskija navukoŭcy publikujucca tam dla paćvierdžańnia svajho prafiesijnaha ŭzroŭniu. Vydańnie vychodzić vielmi maleńkim nakładam i cikavaje ŭ asnoŭnym vuzkaprofilnymi navukoŭcam.

Dla paćviardžeńnia publikacyi štohodnik vysyłaje aŭtaram artykułaŭ fotakopii ich artykułaŭ u farmacie pdf-fajła, kab možna było pry nieabchodnaści prykłaści da dakumientaŭ. Pravaabaroncy adznačajuć, što siłaviki mahli daviedacca pra artykuł tolki pa danosie kaleh Bubnova abo ad inšych aŭtaraŭ publikacyj.

Juryja Bubnova zatrymali prosta na kafiedry ŭ studzieni 2023 hoda. Jon uznačalvaje jaje z 1997 hoda, uznaharodžany znakam «Vydatnik adukacyi». Jahony partret znachodzicca na došcy honaru vieteranaŭ univiersiteta. U Mahilovie Bubnoŭ viadomy jak ekśpiert-sacyjołah, adzin sa stvaralnikaŭ Centra haradskich inicyjatyŭ i fiestyvalu «Dranik-fest». 

Čytajcie taksama:

Zatrymali bujnoha homielskaha pradprymalnika. Jaho vinavaciać u padpiskach na niezaležnyja ŚMI

Palitźniavolenych Valeryju Kaściuhovu i Taćcianu Kuzinu pieraviali ŭ homielskuju kałoniju

Za ŭdzieł u pratestach zatrymali zahadčycu internata BDEU

Клас
0
Панылы сорам
6
Ха-ха
0
Ого
0
Сумна
1
Абуральна
21