«Ahienctva hramadzianskaj avijacyi Ministerstva ekanomiki i ŭstojlivaha raźvićcia Hruzii robić pastajanny manitorynh sankcyj i abmiežavańniaŭ, jakija nakładajucca mižnarodnymi arhanizacyjami hramadzianskaj avijacyi i kampanijami-vytvorcami hramadzianskaj avijacyi, zychodziačy z metaŭ zabieśpiačeńnia biaśpieki pasažyraŭ, palotaŭ i avijacyjnaj biaśpieki», — udakładnili ŭ hruzinskim avijacyjnym viedamstvie.

«Na padstavie sankcyj, uviedzienych vytvorcam, Ahienctva […] z červienia hetaha hoda abmiežavała ekspłuatacyju avijakampanijaj «Biełavija» ŭ Hruzii samalotaŭ «Boinh». Adpaviedna, rejsy nazvanaj avijakampanii ŭ kirunku Hruzii robiacca samalotami «Embrajer», — padkreśliła viedamstva.

Ahienctva zajaviła, što adkaz adnosna ŭviadzieńnia Hruzijaj abmiežavańniaŭ suprać «Biełavija» budzie dadzieny paśla vyvučeńnia sankcyj.

«Biełavija» ŭ 2022 hodzie zajmała čaćviortaje miesca pa kolkaści pieraviezienych pasažyraŭ u Hruziju. Nacyjanalny avijapieravozčyk robić štodzionnyja rejsy Tbilisi-Minsk-Tbilisi, Kutaisi-Minsk-Kutaisi i čatyry rejsy ŭ tydzień Batumi-Minsk-Batumi.

9 žniŭnia Upraŭleńnie kantrolu nad zamiežnymi aktyvami Minfina ZŠA paviedamiła ab pašyreńni abmiežavalnych zachadaŭ u dačynieńni da biełaruskaha režymu «ŭ suviazi z treciaj hadavinaj sfalsifikavanych prezidenckich vybaraŭ u žniŭni 2020 hoda». U sankcyjny pieralik uniesienaja i avijakampanija «Biełavija».

Čytajcie taksama:

Płanujucca čystki na avijacyjnych pradpryjemstvach — Matolka

ZŠA ŭviali novyja sankcyi suprać režymu Łukašenki

«Biełavija» pradaje adzin sa svaich «Boinhaŭ»

Клас
5
Панылы сорам
1
Ха-ха
0
Ого
0
Сумна
0
Абуральна
2