Pano na hałoŭnym korpusie pradpryjemstva. Skrynšot videa z sajta polotsk-psv.by

Pano na hałoŭnym korpusie pradpryjemstva. Skrynšot videa z sajta polotsk-psv.by

Hetaksama ad pačatku miesiaca rabotniki mohuć u košt zarobku nabyvać pradukty na «abjektach hramadskaha charčavańnia i handlu cecha №910» — u skład hetaha cecha ŭvachodziać try stałoŭki, bufiet, bar i dźvie kramy. Pra pałažeńnie paviedamlaje hazieta «Trudovaja smiena», jakuju vydaje pradpryjemstva.

Siońnia zarobki na AAT «Połack-Škłovałakno» składajuć ad 680 da 1700 rubloŭ — heta vidać ź pieraliku vakansij na pradpryjemstvie. Adpaviedna, 200 rubloŭ na «naturpradukt» — heta amal tracina zarobku dla tych, chto pracuje kucharam, tokaram abo ślesaram-ramontnikam.

Jašče letaś zarobki byli ŭdvaja vyšejšyja, zhadvaje adzin z rabotnikaŭ, jaki pahadziŭsia ananimna raspavieści pra situacyju na zavodzie.

«Niama kudy padzieć pradukcyju, jana nikomu nie patrebnaja.

Sioleta pryjazdžała delehacyja z Kitaja, dzie vyrablajuć anałahičnuju pradukcyju. Pahladzieli na vytvorčy praces i na vyniki, a kali viarnulisia dadomu, to skinuli ceny na svaje vyraby na 30% — i pierachapili rasijski rynak zbytu.

Niadaŭna naša hazieta pisała, što AAT «Połack-Škłovałakno» ŭdzielničała ŭ pramysłovaj vystavie ŭ Jekaciarynburhu i, maŭlaŭ, z pośpiecham tam pakazała toje, što my vyrablajem. U vyniku byŭ zaklučany kantrakt na pastaŭku pradukcyi ŭ Rasiju na 10 miljonaŭ rasijskich rubloŭ. Heta śmiešnaja ličba dla takoha pradpryjemstva», — miarkuje surazmoŭca.

Mienavita z tym, što pradukcyja nie maje zbytu, rabotniki źviazvajuć i ŭviadzieńnie «Pałažeńnia ab apłacie pracy ŭ naturalnaj formie». U pracoŭnych kantraktach pra heta jość admysłovy punkt: «u vypadku nieabchodnaści» ŭvodzicca vypłata častki zarobkaŭ «naturpraduktam».

U stałovaj AAT «Połack-Škłovałakno». Fota: polotsk-psv.by 

U stałovaj AAT «Połack-Škłovałakno». Fota: polotsk-psv.by 

Pakul heta pałažeńnie budzie pracavać pavodle pryncypu dobraachvotnaści.

Ale nie vyklučana, što nieŭzabavie moža nabyć i prymusovy charaktar, ličyć rabotnik pradpryjemstva.

«Ciapier nam sprabujuć davieści, što charčavacca ŭ stałoŭcy «pa propusku» — heta ledźvie nie sastupka dziela našaha dabrabytu. Maŭlaŭ, nie patrebna nasić z saboj hrošy, biary dy jež. A mnohija ž biaruć ssabojki, bo ekanomiać…

Padobnaje ŭžo było ŭ kancy 1990-ch, kali taksama nie było kudy dziavać pradukcyju, u cechach hasili płavilnyja piečy, padali zarobki, ludzi masava zvalnialisia, i z vaśmi tysiač rabočych na pradpryjemstvie zastałosia kala troch tysiač. Tady taksama prapanoŭvali nabyvać u košt zarobku toje, što ŭ nas vyrablajecca».

Aprača technałahičnych tkanin i škłovałakna, pradpryjemstva vyrablaje ŭsiaho niekalki najmieńniaŭ taho, što moža prydacca ŭ haspadarcy. Heta budaŭničyja sietki (praŭda, kažuć, što kitajskaj vytvorčaści — lepšyja), łyžnyja pałki (kaštujuć ad 8,4 da 13 rubloŭ) i pałki dla skandynaŭskaj chadźby (ad 10 da 19 rubloŭ), nabor płastykavych trubak «Miečta dačnika» (34,4 rubla). Jašče robiać i płastykavyja łodki, ale jany kaštujuć bolš za paŭtary tysiačy rubloŭ.

U kramie AAT «Połack-Škłovałakno». Fota: polotsk-psv.by

U kramie AAT «Połack-Škłovałakno». Fota: polotsk-psv.by

Rabotniki pryhadvajuć, što padčas uviadzieńnia kantraktnaj sistemy aktyvisty niezaležnaha Svabodnaha prafsajuza Biełaruskaha sprabavali asprečyć punkt pra vydaču častki zarobkaŭ pradukcyjaj ułasnaj vytvorčaści. Ale biezvynikova.

Sioleta ŭ sakaviku na pradpryjemstva byŭ pryznačany novy hienieralny dyrektar. Byłoha hiendyrektara Ramana Bliźniova źniali paśla zatrymańnia pa kryminalnaj spravie, pryčym adbyłosia heta nieŭzabavie paśla prysvajeńnia jamu tytuła «Čałaviek hoda Viciebščyny — 2022».

Jaho nastupnik Ilja Ikan nieŭzabavie paśla pryniaćcia pasady vystupiŭ ź intervju haziecie «Trudovaja smiena», dzie kazaŭ pra toje, što pradpryjemstva moža zbankrutavać užo ŭ vieraśni, kali situacyja sa zbytam nie vypravicca.

Hetaje intervju dobra pamiatajuć rabotniki AAT «Połack-Škłovałakno», chacia z sajta haziety jano źnikła praktyčna adrazu. U chutkim časie na pradpryjemstva pryjechała staršynia Savieta Respubliki Natalla Kačanava. Zhadaŭšy pra sankcyi, jana paraiła kiraŭnictvu bolš aktyŭna pracavać na ŭnutrany rynak krainy i «šukać unutranyja reziervy dla raźvićcia».

Ciapier samamu niepasrednamu «ŭnutranamu reziervu» — miascovym rabotnikam — rajać vykuplać pradukcyju ŭłasnaha pradpryjemstva.

Čytajcie taksama:

Na «Naftanie» nie spyniajucca zvalnieńni za palityku. Pryčyna — padpiski na niezaležnyja telehram-kanały

Prodaž aŭtobusaŭ MAZ u Rasiju skaraciŭsia amal na 80%

Administracyja homielskaha zavoda rekamiendavała padnačalenym padtrymać zatrymańnie rabotnika za «ekstremizm». Mnohija pahadzilisia

Клас
2
Панылы сорам
5
Ха-ха
6
Ого
0
Сумна
3
Абуральна
5