Stacyjanarny aerastat nazirańnia ad amierykanskaj kampanii Lockheed Martin. Fota: U.S. Army, Getty Images

Stacyjanarny aerastat nazirańnia ad amierykanskaj kampanii Lockheed Martin. Fota: U.S. Army, Getty Images

Polšča źbirajecca raźmiaścić niekalki vializnych stacyjanarnych aerastataŭ nazirańnia na ŭsioj svajoj uschodniaj miažy. Ich radary achopiać da 100 kiłamietraŭ terytoryi Biełarusi i Ukrainy. 

Pra heta dniami paviedamiŭ partał Polon.pl i inšyja polskija miedyja sa spasyłkaj na Minabarony Polščy.

Tak, Polšča ŭ ramkach prahramy «Barbara» źbirajecca zakupić i raźmiaścić čatyry amierykanskija raźviedvalnyja aerastaty ŭzdoŭž usioj uschodniaj miažy, čyj radyus nazirańnia zakranaje Kalininhradskuju vobłaść Rasii, Ukrainu i Biełaruś (radary aerastataŭ całkam pakryjuć Hrodna i Brest).

«Polskaje Minabarony apublikavała kartu ź infarmacyjaj ab patencyjalnych miescach raźmiaščeńnia čatyroch aerastataŭ nazirańnia. Heta nastupnyja harady:

  • Siedlcy (65 kiłamietraŭ ad Bresta);
  • Ełk (65 kiłamietraŭ ad Suvałkskaha kalidora);
  • Iłava (88 kiłamietraŭ ad Kalininhradskaj vobłaści Rasii);
  • Niska (173 kiłamietry ad Lvova).

Hałoŭnaja pieravaha novych aerastataŭ pierad zvyčajnymi radarami naziemnaha bazavańnia i maleńkimi bieśpiłotnikami — heta mahčymaść kruhłasutačna adsočvać lubyja pavietranyja abjekty, jakija laciać vielmi chutka albo na małoj vyšyni (jak heta było raniej u vypadkach z rasijskaj rakietaj z Ukrainy, a taksama z bieśpiłotnikam i viertalotami ź Biełarusi)», — piša Polon.pl.

Karta ad Minabarony Polščy, na jakoj pakazany patencyjnyja miescy budučaha raźmiaščeńnia novych amierykanskich masiŭnych aerastataŭ nazirańnia. Fota: Minabarony Polščy

Karta ad Minabarony Polščy, na jakoj pakazany patencyjnyja miescy budučaha raźmiaščeńnia novych amierykanskich masiŭnych aerastataŭ nazirańnia. Fota: Minabarony Polščy

Mahčymymi pastaŭščykami takich aerastataŭ mohuć vystupić amierykanskaja abaronnaja kampanija Lockheed Martin, a taksama kampanii Textron, TCOM i Norththrop Grumman.

Jak paviedamlajuć polskija ekśpierty, novyja aerastaty zmohuć aŭtanomna znachodzicca ŭ pavietry ad tydnia da miesiaca (u zaležnaści ad madeli), a taksama nazirać za terytoryjaj radyusam da 300 kiłamietraŭ. Aproč taho, jany mohuć nieści hruz vahoj ad 20-ci kiłahramaŭ da niekalkich ton u vyhladzie zbroi, srodkaŭ suviazi i hetak dalej, a taksama padnimacca na vyšyniu da čatyroch kiłamietraŭ.

Nahadajem, što praz pastajannyja sproby niezakonnaha pierasiačeńnia polska-biełaruskaj miažy i najaŭnaść u Biełarusi niekalkich tysiač najmitaŭ PVK «Vahnier» Polšča pačała istotna pavialičvać kolkaść svaich vajskoŭcaŭ pobač ź Biełaruśsiu i navat prapracoŭvaje płan poŭnaha zakryćcia miažy.

U dadatak da hetaha polskija ŭłady vykazali žadańnie raźmiaścić u siabie amierykanskuju jadziernuju zbroju ŭ adkaz na raźmiaščeńnie takoj ža ŭ Biełarusi z boku Rasii.

Čytajcie taksama:

Polšča tracić na vojska bolš za inšyja krainy NATA

Pytańnie pra płot na miažy ź Biełaruśsiu vyniesuć na refierendum u Polščy

Apache, Abrams, HIMARS i h. d. Minabarony Polščy płanuje surjoznaje ŭmacavańnie miažy ź Biełaruśsiu i zakryćcio «Bresckaj bramy»

Клас
30
Панылы сорам
1
Ха-ха
1
Ого
4
Сумна
3
Абуральна
2