Što aznačaje minus dva punkty propusku?

Paśla zakryćcia punktaŭ propusku «Vidzy» — «Ćvierač» i «Łoša» — «Šumsk» na biełaruska-litoŭskaj miažy zastajucca dziejnymi tolki 4 aŭtadarožnyja punkty propusku.

Punkt propusku «Łoša» byŭ prystasavany dla ruchu lehkavoha transpartu. Sutačnaja norma propusku składała 250 lehkavych aŭto.

Praz «Vidzy» mahli jechać nie tolki lehkaviki, ale i pustyja hruzaviki. Praŭda, prapusknaja zdolnaść hetaha punktu propusku była značna mienšaja — 144 lehkaviki i 96 hruzavikoŭ.

Jak pakazvaje aficyjnaja statystyka ad biełaruskaha Dziaržaŭnaha pamiežnaha kamiteta, abodva punkty karystalisia popytam. I samaje cikavaje, što čaściakom praz «Łošu» i «Vidzy» prajazdžała bolš aŭto, čym było prapisana pa normach.

Tak, naprykład, u apošnija sutki pracy tam aformili 254 i 155 lehkavikoŭ. A praz «Vidzy» prajechała jašče i 96 pustych hruzavych aŭto.

Ilustracyja: telehram-kanał «Pohraničnyj komitiet Biełarusi». 

Ilustracyja: telehram-kanał «Pohraničnyj komitiet Biełarusi». 

Situacyja, kali praz vyšejnazvanyja punkty propusku prajazdžała bolš aŭto za normu, uźnikała davoli časta. U pazaminułuju piatnicu praz «Łošu» prajechała 252 aŭto, a praz «Vidzy» 181.

Ciapier uvieś hety trafik budzie raźmierkavany pa 4 inšych punktach.

Jak heta paŭpłyvała na čerhi?

Praz zakryćcio dvuch puntaŭ propusku zaŭvažna pavialičylisia čerhi ŭ «Kamiennym łohu». 

Ciaham usioj piatnicy 18 žniŭnia tolki kala 6-j ranicy ŭ čarzie na vyjezd ź Biełarusi było mienš za 100 lehkavikoŭ. 

Pa stanie na 20:00 vyjezdu čakali bolš za 120 aŭto. Takich vialikich čerhaŭ nie było ni ŭ adnu piatnicu ciaham usiaho leta. 

  Fota: skrynšot z gpk.gov.by

Fota: skrynšot z gpk.gov.by

Bolš napružanaj, čym raniej, situacyja z čerhami vyhladaje i ŭ «Katłoŭcy». U hetuju piatnicu tam taksama nazirajucca samyja vialikija čerhi ŭ paraŭnańni ź inšymi piatnicami leta 2023 hoda.

Fota: skrynšot z gpk.gov.by

Fota: skrynšot z gpk.gov.by

Kolkaść aŭto, jakija čakajuć u čarzie na vyjezd u «Kamiennym łohu» i «Katłoŭcy», u paraŭnańni ź inšymi piatnicami vyrasła ŭ 1,5-2 razy.

A voś na čerhi ŭ punktach propusku «Bieniakoni» i «Pryvałka», jakija znachodziacca davoli daloka ad zakrytych «Łošy» i «Vidzaŭ», miarkujučy pa statystycy, hetaja situacyja pakul nijak nie paŭpłyvała.

Chranałohija, jak zakryvalisia miežy ź ES

Niekatoryja punkty propusku na miežach Biełarusi i ES pačali zakryvać jašče viasnoj 2020 hoda. Punkty propusku «Piasčatka-Pałoŭcy» i «Damačava-Kukuryki» zastajucca zakrytymi ŭžo bolš za try hady. Ich ahulnaja prapusknaja zdolnaść składała 1300 lehkavikoŭ u sutki. Ale tady ich zakryvali nie z-za palityčnych pryčyn, a praz pandemiju COVID-19. Zakrytymi ž nadalej jany zastalisia ŭžo chutčej mienavita praz pryčyny palityčnyja.

Spravakavany biełaruskimi ŭładami kryzis ź mihrantami i situacyja, jakaja skłałasia ŭ mižnarodnym multyfunkcyjanalnym punkcie propusku «Bruzhi», pryviała da taho, što polski bok pryniaŭ rašeńnie spynić pracu hetaha pamiežnaha punktu z 21 listapada 2021 hoda. Prapusknaja zdolnaść «Bruzhoŭ» składała 1600 lehkavych i 580 hruzavych aŭto ŭ sutki. 

Paźniej, 10 lutaha 2023 hoda, u adkaz na prysud Andreju Pačobutu, palaki zakryli punkt propusku «Bierastavica» — «Babroŭniki». Paśla čaho ź niekali šaści punktaŭ propusku na biełaruska-polskaj miažy zastałosia funkcyjanavać tolki dva. Abodva znachodziacca ŭ Bresckaj vobłaści. «Brest» pryznačany tolki dla ruchu lehkavoha transpartu, a «Kazłovičy» — dla hruzavoha.

Ciapier, jak bačym, i Litva pajšła šlacham zakryćcia častki punktaŭ propusku na miažy ź Biełaruśsiu. Na biełaruska-łatvijskim učastku, jak i raniej, pracujuć dva punkty propusku «Urbany» i «Hryharoŭščyna». 

Na 28 žniŭnia zapłanavana sustreča, u jakoj voźmuć udzieł ministry Polščy, Łatvii i Litvy. Na joj budzie abmiarkoŭvacca pytańnie mahčymaści poŭnaha zakryćcia miežaŭ ź Biełaruśsiu.

Čytajcie taksama: 

Stała viadoma, kolki čałaviek prachodziła praz zakrytyja Litvoju pamiežnyja punkty

Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy

Litoŭski deputat pra zakryćcio dvuch pamiežnych pierachodaŭ: Heta sihnał Łukašenku

Prezident Polščy raskazaŭ, što pavinien zrabić Minsk dla palapšeńnia adnosin z Varšavaj

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?