Alaksiej Arastovič z žurnalistam Markam Fiejhinym. Kadr z efiru

Alaksiej Arastovič z žurnalistam Markam Fiejhinym. Kadr z efiru

Błohier Mark Fiejhin, jaki rehularna pravodziŭ papularnyja sumiesnyja strymy z byłym pazaštatnym daradcam Ofisa prezidenta Ukrainy Alaksiejem Arastovičam, abviaściŭ ab spynieńni daŭniaj tradycyi. 

Pra heta Fiejhin napisaŭ u svaim telehram-kanale jašče 13 žniŭnia, adznačyŭšy, što ŭ ich z Arastovičam «tvorčy adpačynak».

«Jak ja ŭžo pisaŭ, my ŭziali tvorčuju paŭzu. Treba dać adpačyć našamu prajektu. Plus da ŭsiaho ja nie svaryŭsia z Arastovičam. My ź im damovilisia, jon pahadziŭsia, i my ŭziali paŭzu. Pahladzim, što budzie dalej», — kazaŭ Fiejhin u svaich niadaŭnich strymach nakont adsutnaści efiraŭ z Arastovičam.

Zatym, 18 žniŭnia, žurnalist apublikavaŭ dadatkovy post, u jakim nazvaŭ farmat sumiesnych efiraŭ z Arastovičam «zakrytym z pryčyny vyčarpanaści». U tym liku jon zhadaŭ i niejkuju publikacyju ŭ fejsbuku, «jakaja źjaŭlajecca fejkam».

Publikacyja, pra jakuju išła razmova, była napisanaja ad asoby Arastoviča i ŭtrymlivała krytyku ŭ adras Fiejhina z-za aŭtarskich pravoŭ, kolkaści prahladaŭ i achopaŭ aŭdytoryi na YouTube.

Sam post užo vydaleny.

«Efiraŭ ź Fiejhinym bolš nie budzie. (…) Ja nie źbiraŭsia vychodzić z pracesu dziela vas, šanoŭnyja hledačy, niahledziačy na ​​ŭsiu jaho nudnaść, bo jak viadučy Fiejhin — nul, adny i tyja ž pytańni siamnaccać miesiacaŭ zapar biez usialakaj sproby pierastroicca.

Ale paśla taho, što jon pačaŭ rabić, padtrymlivać ź im adnosiny prosta hrebuju. Čuvak realna sprabavaŭ zabanić moj kanał. I sutkami chłusiŭ, što heta aŭtamatyka», — nibyta napisaŭ Arastovič na svajoj fejsbuk-staroncy. 

Frahmient publikacyi Alaksieja Arastoviča z krytykaj u adras Marka Fiejhina. Sam Fiejhin nazvaŭ hety post fejkavym, a Arastovič, naadvarot, ničoha nie abviarhaŭ. Skrynšot fejsbuk-staronki Alaksieja Arastoviča

Frahmient publikacyi Alaksieja Arastoviča z krytykaj u adras Marka Fiejhina. Sam Fiejhin nazvaŭ hety post fejkavym, a Arastovič, naadvarot, ničoha nie abviarhaŭ. Skrynšot fejsbuk-staronki Alaksieja Arastoviča

Važna adznačyć, što z momantu pačatku vajny va Ukrainie sumiesnyja strymy Fiejhina i Arastoviča pieravažna vychodzili mienavita na jutub-kanale Fiejhina, adnak z krasavika hetaha hoda tranślacyi stali vychodzić i na ŭłasnym kanale Arastoviča, dzie toj pačaŭ źbirać značna bolš prahladaŭ, čym było ŭ Fiejhina.

Nieviadoma, ci heta asnoŭnaja pryčyna kanfliktu intaresaŭ i spynieńnia sumiesnych efiraŭ, adnak jość jašče adzin mahčymy faktar. 

10 žniŭnia Alaksiej Arastovič vykłaŭ videaintervju z rasijskaj apazicyjnaj žurnalistkaj Julijaj Łatyninaj, dzie abmiarkoŭvalisia samyja nadzionnyja pytańni (dniom raniej, 9 žniŭnia, u Arastoviča vychodziŭ apošni sumiesny strym ź Fiejhinym).

«Hałoŭnaja naša pamyłka — heta kali my dazvolili sabie rasčałaviečvać usich rasijan. Spačatku my trymalisia, a potym akunulisia ŭ heta ŭsio. My dali siaredniestatystyčnamu mabilizavanamu rasijaninu, jaki ciapier składaje kaściak armii, vydatnuju matyvacyju vajavać. Zaraz jon zaŭsiody moža sabie patłumačyć, navošta jon vajuje, bo my dali jamu padstavu dla pomsty, nazyvajučy jaho žonku, dziaciej i baćkoŭ žyviołami», — kazaŭ u tym videa Arastovič.

Postar videaintervju Alaksieja Arastoviča Julii Łatyninaj. Fota: jutub-kanał Arastoviča

Postar videaintervju Alaksieja Arastoviča Julii Łatyninaj. Fota: jutub-kanał Arastoviča

Na dumku hledača, jaki napisaŭ na Arastoviča zajavu ŭ SBU, jahonyja słovy na videa — heta apraŭdańnie ahresii suprać Ukrainy, što praduhledžvaje pakarańnie ŭ vyhladzie pazbaŭleńnia voli terminam da troch hadoŭ pavodle artykuła 436-2 KK Ukrainy.

Ciapier Arastovič znachodzicca pad ryzykaj kryminalnaha pieraśledu SBU i ryzykuje paŭtaryć historyju sa svaim zvalnieńniem z Ofisa prezidenta Ukrainy i stać jašče bolš «niepažadanym» va ŭkrainskaj miedyjaprastory, asabliva dla svaich najbližejšych paplečnikaŭ, jakim dahetul byŭ Mark Fiejhin.

Čytajcie taksama:

Arastovič patłumačyŭ, čamu nie baicca scenaryja z rasijskim staŭlenikam na miescy Łukašenki

«Ruskija — heta fašysty». Jak intervjujerka Łukašenki pieraabuvałasia prosta padčas vajny

Čamu ŭkrainskaje kontrnastupleńnie idzie pavolniej, čym čakałasia

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?