Fota: Dmitri Lovetsky / AP

Fota: Dmitri Lovetsky / AP

Hałoŭnaje ŭpraŭleńnie raźviedki Ukrainy razam z prajektam «Chaču žyć» aficyjna abviaścili ab namiery mianiać zatrymanych za supracoŭnictva z Rasijaj kałabarantaŭ na rasijskich apazicyjanieraŭ i palitviaźniaŭ.

Ab pryncypie novaha miechanizma abmienu dniami raspavioŭ aficyjny pradstaŭnik HUR Ukrainy Andrej Jusaŭ u intervju vydańniu «Nastojaŝieje vriemia».

Tak, pa słovach Jusava, Ukraina budzie sprabavać vyzvalić z rasijskich turmaŭ vyklučna tych rasijan, jakija byli asudžanyja paśla pačatku vajny za svaju antyvajennuju pazicyju i padtrymku Ukrainy. 

«U Rasii jość šmat ludziej, jakija paciarpieli za svaju antyvajennuju pazicyju i atrymali drakonaŭskija terminy. Jany nie pabajalisia vykazać svajo mierkavańnie, jany padtrymali Ukrainu, i my taksama musim ich padtrymać. Śviet pra ich nie zabudzie, i Ukraina pasprabuje ich viarnuć», — zajaviŭ aficyjny pradstaŭnik HUR Ukrainy Andrej Jusaŭ.

Mianiać rasijskich palitviaźniaŭ i aktyvistaŭ Ukraina źbirajecca na zatrymanych na jaje ŭłasnaj terytoryi kałabaracyjanistaŭ, jakija supracoŭničali z Rasijaj (pryčym heta mohuć być jak ludzi z rasijskim, tak i z ukrainskim hramadzianstvam).

Dalejšy ž los abmienienych rasijskich apazicyjanieraŭ, jak patłumačyŭ Jusaŭ, budzie taki: jany traplajuć va Ukrainu praz abmien, a zatym atrymlivajuć tam ci ŭ inšych krainach Jeŭrasajuza palityčny prytułak. Pry hetym rasijskich vajennapałonnych va Ukrainie na rasijskich palitviaźniaŭ u Rasii nichto mianiać nie budzie. Ukrainskija pałonnyja vajskoŭcy zastajucca ŭ pryjarytecie na abmien.

Andrej Jusaŭ. Fota: «RBK-Ukraina»

Andrej Jusaŭ. Fota: «RBK-Ukraina»

Jak śćviardžaje ŭkrainski bok, na hety momant užo było atrymana niekalki sotniaŭ zvarotaŭ ad svajakoŭ i blizkich rasijskich palitviaźniaŭ z prośbaj zadavolić patencyjny abmien. 

Usiaho Ukraina aceńvaje kolkaść rasijan, paciarpiełych za antyvajennuju pazicyju, u amal 20 tysiač čałaviek. Kolkaść fihurantaŭ kryminalnych spraŭ ź ich, pa infarmacyi Ukrainy, składaje minimum 636.

U Biełarusi tolki ŭ dni «refierendumu» 27-28 lutaha 2022 hoda praź niekalki dzion paśla pačatku vajny va Ukrainie było aryštavana pa administracyjnym artykule minimum 600 čałaviek.

Stanam na luty 2023-ha byli viadomy imiony 90 biełarusaŭ, na jakich zaviali kryminalnyja spravy za padtrymku Ukrainy ci asudžeńnie vajny. Hety tyja, chto ŭžo byŭ u SIZA ci byŭ asudžany. Sapraŭdnaja ličba budzie kudy bolšaj.

Taksama varta pamiatać i pra tych biełarusaŭ, jakija zmahajucca za Ukrainu ŭ šerahach USU i hinuć za jaje svabodu.

Čytajcie taksama:

Paźniak napisaŭ adkryty list Łukašenku i Zialenskamu. Prosić abmianiać vajennapałonnych biełarusaŭ na palitviaźniaŭ

Pratesty suprać napadu na Ukrainu zasłanili refierendum. Čerhi na ŭčastkach naziralisia tolki ŭ toj čas, u jaki zaklikała hałasavać apazicyja

U rasijskaj apazicyi jość razumieńnie nieabchodnaści depucinizacyi Rasii, ale niama nijakaha płana, z kim i jak heta rabić. Što pakazaŭ kruhły stoł u Jeŭraparłamiencie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?