Fota ilustracyjnaje

Fota ilustracyjnaje

«Abłvykankamam i Minskamu harvykankamu zabiaśpiečyć da 1 studzienia 2025 hoda stvareńnie ŭ kožnym rajonie, horadzie abłasnoha padparadkavańnia nie mienš za adzin družalubny da dziaciej pakoj dla dopytu, u horadzie Minsku — nie mienš za dva takija pakoi», — havorycca ŭ pastanovie.

Hetym ža dakumientam zaćvierdžana pałažeńnie «Ab družalubnym da dziaciej pakoi dla dopytu».

Pad hetym pakojem majecca na ŭvazie, jak skazana ŭ dakumiencie, «śpiecyjalna abstalavanaje pamiaškańnie, u jakim orhanam, jaki viadzie kryminalny praces, robicca dopyt niepaŭnaletnich paciarpiełaha abo śviedki, jakija nie dasiahnuli šasnaccacihadovaha ŭzrostu, pa kryminalnych spravach ab złačynstvach suprać asabistaj svabody, honaru i hodnaści, žyćcia i zdaroŭja, pałavoj niedatykalnaści abo pałavoj svabody».

«Družalubny da dziaciej pakoj moža vykarystoŭvacca dla atrymańnia orhanam kryminalnaha pieraśledu tłumačeńniaŭ niepaŭnaletnich…, a taksama dla pracy piedahohaŭ i psichołahaŭ ź niepaŭnaletnimi ŭ metach akazańnia im sacyjalna-piedahahičnaj padtrymki i psichałahičnaj dapamohi», — abviaščaje pałažeńnie.

Zhodna z dakumientam, družalubny da dziaciej pakoj «stvarajecca na bazie sacyjalna-piedahahičnaha centra». Pamiaškańni orhanaŭ Dziaržaŭnaha kamiteta sudovych ekśpiertyz i Śledčaha kamiteta taksama mohuć vykarystoŭvacca jak takija pry vykanańni ŭstanoŭlenych patrabavańniaŭ.

Patrabavańni da «družalubnych da dziaciej pakojaŭ» vyznačajucca nastupnyja:

  • najaŭnaść asobnych uvachodaŭ i vychadaŭ u pamiaškańnie, miescaŭ dla raźmiaščeńnia vierchniaha adzieńnia, a taksama sumiežnaha izalavanaha i abstalavanaha huka— dy videazapisnoj aparaturaj, srodkami radyjokamunikacyi pamiaškańnia, pryznačanaha dla dystancyjnaha nazirańnia;

  • hukaniepranikalnaść pamiaškańnia;

  • afarboŭka ścien pamiaškańnia ŭ pastelnyja tany, adsutnaść u im karcin i inšych elemientaŭ dekoru;

  • najaŭnaść nastupnaha materyjalna-techničnaha abstalavańnia: kanapa, kresła, stoł, kresła-miašok, kanapavaja paduška, cacki;

  • sistema huka– i videafiksacyi;

  • nie mienš za dźvie videakamiery;

  • adzin kampjutar (dva manitory).

Kaardynacyja i kantrol za funkcyjanavańniem takich pakojaŭ na bazie sacyjalna-piedahahičnych centraŭ uskładzienyja na Ministerstva adukacyi.

Čytajcie taksama:

«Ad niečakanaści ja ŭdaryła jaje pa rukach». Maładyja maci pra zaŭvahi, jakija ich razdražniajuć

«Z voknaŭ vylivali kipień, kidalisia praduktami». U Maładziečnie idzie «vajna» pamiž padletkami i piensijanierami

«My paciarpieli ad pierajezdaŭ nie mienš, čym darosłyja». Biełaruskija padletki, jakija emihravali z baćkami, robiać padkast pra takich, jak sami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?