Achmied al-Batali, pieramožca junijorskaha čempijanatu arabskaha śvietu pa dziudo ŭ Jehipcie, jakoha 10 razoŭ prymušali paŭtarać finalny boj z metaj spravakavać jaho parazu. Fota: skrynšot videa Middle East Monitor
Pieramožcu čempijanatu arabskaha śvietu pa dziudo siarod junijoraŭ 18 arabskich krain, jaki prachodziŭ u Jehipcie, prymušali paŭtarać finalny boj, pakul toj nie prajhraje. Pra heta raspaviało vydańnie Middle East Monitor.
U vyniku maładomu dziudaistu z Kuviejta Achmiedu al-Batali ŭsio ž dazvolili pieramahčy paśla taho, jak sudździa 10 razoŭ nie zaličvaŭ jamu papiarednija pieramohi ŭ adnym i tym ža finalnym sparynhu.
Takim pavodzinam sudździ chutka znajšłosia tłumačeńnie.
«Reč u tym, što ŭ finalnym bai suprać Achmieda vystupaŭ unuk prezidenta Jehipta al-Sisi, tamu sudździa, hruba parušajučy normy čempijanatu, nie prysudžaŭ pieramohu spartsmienu z Kuviejta, kab nie pakryŭdzić unuka prezidenta pierad jaho chatniaj jehipieckaj aŭdytoryjaj. Adnak Achmied usio roŭna 10 razoŭ zapar pieramahaŭ u sparynhu i narešcie dabiŭsia kančatkovaj pieramohi», — piša Middle East Monitor.
Niahledziačy na nieprafiesijnyja i niadobrasumlennyja pavodziny sudździ, ni pra jakija dalejšyja rasśledavańni hetaha incydentu nie paviedamlałasia.
Čytajcie taksama:
Boj stahodździa pad pahrozaj? Voś što viadoma pra bitvu Maska i Cukierbierha
Back in USSR. U Maskvie adbyŭsia valejbolny retramatč BSSR — RSFSR
