Valeryj Čakałaŭ — adzin z samych nabližanych da Pryhožyna mieniedžaraŭ «Kankorda». 

Z aliharcham jon z 2000-ch. Kali Pryhožyn zachoplivaŭ rynak školnaha charčavańnia ŭ Maskvie, prajektam kiravaŭ Čakałaŭ. Jon ža paśla adkazvaŭ za vajskovyja kantrakty «Kankorda» na pastaŭki charčavańnia dla vajskoŭcaŭ. 

Čakałaŭ kuryravaŭ usie «hramadzianskija» prajekty Pryhožyna za miažoj — ci heta hieołaharaźviedka, ci naftazdabyča, ci sielskaja haspadarka. 

Valeryj Čakałaŭ. Fota: «Adnakłaśniki»

Valeryj Čakałaŭ. Fota: «Adnakłaśniki»

Jon ža adkazvaŭ za łahistyčnaje zabieśpiačeńnie hrupy «Vahnier». Mienavita Čakałaŭ uznačalvaŭ AT «Niava» — zasnavalnika TAA «Jeŭra Polis», na jakim byli zaviazanyja ŭsie siryjskija i afrykanskija prajekty.

Dźmitryj Utkin. Pravaja ruka Pryhožyna ŭ PVK «Vahnier». 

Dźmitryj Utkin (źleva). Skryn videa

Dźmitryj Utkin (źleva). Skryn videa

Mienavita jon adkazvaŭ za kamandavańnie i bajavuju padrychtoŭku. Jak raniej vyśvietliŭ centr «Daśje», Utkin padpisvaŭ rasparadžeńni runami «zih», a Pryhožyna nazyvaŭ «Chajl Piatrovič».

«Jany zaŭsiody lotali ŭtroch — Pryhožyn, Utkin, Čakałaŭ. Čakałaŭ adkazvaŭ za ŭvieś tył, Utkin — za bajavuju častku PVK «Vahnier», — skazała krynica kanału «VČK-OHPU».

Jaŭhien Makaran. Žeton M-2300, pazyŭny «Makar». 

Małodšy lejtenant palicyi, były ŭčastkovy. Zhodna z ankietaj, zajmaŭsia kudo i samba, lubiŭ čytać. Pryjšoŭ u «Vahnier» u sakaviku 2016 hoda.

Byŭ u składzie čaćviortaha šturmavoha atrada «Vahniera» ​​ŭ Siryi, jaki trapiŭ pad abstreł amierykanskaj avijacyi pad Chšamam u studzieni 2017 hoda. Atrymaŭ ranieńnie levaha ściahna.

Pavodle SHOT, imavierna, achoŭnik Pryhožyna.

Jaŭhien Makaran Fota: centr «Daśje»

Jaŭhien Makaran Fota: centr «Daśje»

Siarhiej Prapuścin. Žeton M-0394, pazyŭny «Kiedr». 

Praparščyk, vajavaŭ u druhoj čačenskaj vajnie. Pryjšoŭ u «Vahnier» u sakaviku 2015 hoda. Vajavaŭ u rocie Kiryła Cichanoviča (pazyŭny «Čukča»). Heta adno sa strajavych padraździaleńniaŭ hrupy «Vahnier», z 2016 hoda jano nazyvałasia druhim raźviedvalna-šturmavym atradam. Mnohich asabistych achoŭnikaŭ Pryhožyn u 2016 hodzie nabraŭ mienavita z hetaha atrada.

Pavodle SHOT, imavierna, achoŭnik Pryhožyna.

Siarhiej Prapuścin. Fota: centr «Daśje»

Siarhiej Prapuścin. Fota: centr «Daśje»

Alaksandr Totmin. Žeton M-5534, pazyŭny «Toj». 

Pavodle SHOT, imavierna, uvachodziŭ u achovu Pryhožyna.

Mikałaj Matusiejeŭ. Žurnalisty nie zmahli vyjavić čałavieka z takim imiem u śpisach «Vahniera». Zatoje tam jość Mikałaj Matusievič. Žeton M-2559. 

U «Vahniery» sa studzienia 2017 hoda. Słužyŭ strałkom u čaćviortym šturmavym atradzie ŭ Siryi.

Mikałaj Matusievič. Fota: centr «Daśje»

Mikałaj Matusievič. Fota: centr «Daśje»

Ekipaž Embraer Legacy 600

Pra členaŭ ekipaža, jakija zahinuli na borcie Pryhožyna, pišuć «Važnyje istorii».

Alaksiej Leŭšyn — kamandzir ekipaža, z Varonieža.

 

Jahonaja žonka Śviatłana Leŭšyna paćvierdziła ŭ sacsietkach uviečary 23 žniŭnia, što jaje muž zahinuŭ. 

Rustam Karymaŭ, 29 hadoŭ, druhi piłot.

 

U 2014 hodzie jon skončyŭ Sasaŭskaje lotnaje vučylišča hramadzianskaj avijacyi. Pa danych z asabistaj staronki jaho žonki Anastasii va «VKontaktie», za piać dzion da śmierci Rustama jany adśviatkavali čaćviortuju hadavinu viasiella. 

Kryścina Raspopava, 38 hadoŭ, bortpravadnica.

 

Rodam z Čalabinskaj vobłaści. Skončyła Maskoŭski finansava-jurydyčny ŭniviersitet. Jak piša «Baza», žančyna — siastra namieśnika prakurora horada Jemanžalinska Čalabinskaj vobłaści Jaŭhiena Raspopava. 

Pavodle infarmacyi rasijskich kanałaŭ, za niekalki hadzin da vyletu žančyna raspaviała svaim rodnym, što ź niejkich pryčyn ich rejs zatrymlivajecca. Jaho nibyta zabrali na niejki karotkaterminovy i niezrazumieły ramont.

U toj ža čas žonka Pryhožyna Luboŭ praciahvaje svoj adpačynak u Indyi, jak paviedamiła krynica «Daśje», znajomaja ź siamjoj.

Čytajcie taksama:

«U piekle jon budzie najlepšym». Bijahrafija Pryhožyna

«Pucin nie daruje». Analityki pra incydent z Pryhožynym i budučyniu vahnieraŭcaŭ u Biełarusi

«Było adčuvańnie, što paśla buntu jon drenna skončyć». Blizkija da Kramla krynicy — pra mahčymuju hibiel Pryhožyna 

Raniej Pryhožyn užo «pamiraŭ» u avijakatastrofie. Tłumačym

Voś čaho vartyja harantyi biaśpieki, vydadzienyja Łukašenkam — Cichanoŭskaja

Клас
33
Панылы сорам
6
Ха-ха
7
Ого
6
Сумна
9
Абуральна
10