Vyjava: vecteezy

Vyjava: vecteezy

Kali vy hladzieli fentezi-stužku «Łabirynt» 1986 hoda z Devidam Boŭi ŭ hałoŭnaj roli, vy možacie być znajomyja z hetaj hałavałomkaj.

Zadača

U krainie rycaraŭ i ašukancaŭ vy traplajecie na raźviłku daroh, dzie pierad kožnaj ściežkaj staić achoŭnik. Vam viadoma, što adzin z achoŭnikaŭ rycar, a druhi chłus. Vy viedajecie taksama, što adna daroha viadzie da svabody, a druhaja viadzie da nieminučaj śmierci.

Vy možacie zadać tolki adnamu z mužčyn na vaš vybar tolki adno pytańnie. Što Vy spytajecie, kab vyznačyć šlach da svabody?

Padkazka

Popular Mechanics padkazvaje, što Vam nie treba raźbiracca, chto rycar, a chto chłus, kab zrazumieć, jaki šlach viadzie da svabody. Adkaz znojdziecie nižej.

Vyjava: vecteezy

Vyjava: vecteezy

Rašeńnie

U hetaj zahadcy my nie budziem sprabavać vyznačyć asobu ludziej, ź jakimi razmaŭlajem, a pasprabujem atrymać ad ich inšuju infarmacyju. Chitraść u tym, kab spytać ich, što b jany zrabili.

Adnym z rašeńniaŭ było b spytać adnaho z dvuch mužčyn: «Ci skazaŭ by ty mnie, što hety [tvoj] šlach viadzie da svabody?»

Kali b rycar stajaŭ pierad šlacham da svabody, to na pramoje pytańnie («Ci heta šlach na volu?») jon by naturalna adkazaŭ vam «tak». Bolš za toje, pa pryčynie taho, što jon zaŭsiody kaža praŭdu, jon stanoŭča adkazaŭ by vam i na pytańnie: «Ci skazaŭ by ty mnie, što hety [tvoj] šlach viadzie da svabody?»

Kali b chłus stajaŭ pierad šlacham da svabody, to na pramoje pytańnie («Ci heta šlach na volu?») jon by schłusiŭ i skazaŭ, što nie. Ale kali vy spytajecie ŭ chłusa, ci skazaŭ by jon, što jahony šlach viadzie da svabody, jon schłusiŭ by i adkazaŭ «tak». Šachraj kaža, što skazaŭ by vam praŭdu pra šlach, što, viadoma, chłuśnia.

Vynik: u lubym vypadku, kali vy spytajecie adnaho z mužčyn: «Ci skazaŭ by ty mnie, što hety šlach viadzie da svabody?» i jon adkaža «tak», to heta sapraŭdy pryviadzie Vas da svabody, niezaležna ad taho, rycar Vam adkazvaje ci chłus. Sapraŭdy hetak ža, kali šlach viadzie da śmierci, to na Vašaje pytańnie jany abodva adkažuć «nie»: rycar — tamu što skaža praŭdu, a šachraj — tamu što jon vymušany schłusić pra svaju chłuśniu. Tamu, kali čujecie na Vašaje pytańnie admoŭny adkaz, śmieła vybirajcie inšy šlach.

Alternatyŭnaje rašeńnie

U filmie «Łabirynt» hetaja zadača rašajecca jašče praściej, z dapamohaj pytańnia, a što zrabiŭ by inšy achoŭnik. Tam taksama jość dvoje dźviarej: adna viadzie ŭ zamak u centry łabirynta, a druhaja — da śmierci. Hałoŭnaja hierainia vyznačaje, u jakija dźviery prajści, kažučy adnamu z achoŭnikaŭ: «Adkažy «tak» ci «nie». Ci skaža jon mnie, što hetyja dźviery viaduć u zamak?»

U hetym vypadku, kali b naš praŭdzivy rycar stajaŭ pierad dźviaryma ŭ zamak, jon adkazaŭ by «nie» (bo chłus nie skazaŭ by vam, što dźviery viaduć u zamak). Kali b chłus stajaŭ pierad dźviaryma ŭ zamak, jon by taksama skazaŭ «nie» (bo rycar skazaŭ by vam, što dźviery sapraŭdy viaduć u zamak, a tamu šachraj abaviazkova schłusić pra heta, kab źniasłavić rycara). Kali b budź-chto ź ich stajaŭ pierad dźviaryma śmierci, jany b abodva adkazali «tak» na hetaje pytańnie. Takim čynam, kali vy tut pačujecie admoŭny adkaz, to značyć hety šlach Vam i varta abrać.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?