Fota: «Naša Niva»

Fota: «Naša Niva»

Ministr sielskaj haspadarki i charčavańnia Siarhiej Bartaš sprahnazavaŭ u 2023 hodzie ŭradžaj zbožžavych horšy za letašni. Tamu ŭ płanach uładaŭ zakupić za miažoj kala 1 młn ton zbožža. 

«Karavaj budzie ściplejšy bolš čym na miljon ton, ale stvaryć padušku biaśpieki ŭsio ž taki nieabchodna, tamu my płanujem kala miljona ton, i Łukašenka heta daručyŭ, zakupić zvonku», — skazaŭ ministr u efiry telekanała ANT, jak paviedamlaje TASS.

Pavodle jaho słoŭ, jość vobłaści i rajony, jakija atrymali dobry vynik: jany nie tolki zachavali ŭradžajnaść na ŭzroŭni 2022 hoda, niahledziačy na ŭmovy nadvorja, ale i zmahli pavialičyć jaje. «Heta śviedčyć ab tym, što technałohii treba ŭsio ž taki adpracoŭvać i ŭdaskanalvać, i tady my nie budziem zaležać ad umoŭ nadvorja. Zona ryzykoŭnaha ziemlarobstva pavoli budzie adychodzić», — skazaŭ Bartaš.

Pavodle źviestak Biełstata, u 2022 hodzie ŭ haspadarkach usich katehoryj było namałočana 8,7 młn ton zbožža pry siaredniaj uradžajnaści 34,5 centniera z hiektara.

Čytajcie taksama:

Łukašenka: Nichto ŭ kałhasie nie moža zvolnicca biez rašeńnia kiraŭnika

Vajskoŭcaŭ kinuli na žnivo

Haračaje žnivo: mašyna rajonnaha viertykalščyka zhareła prosta ŭ poli

Клас
2
Панылы сорам
1
Ха-ха
3
Ого
1
Сумна
0
Абуральна
1