Kiryła Troska. Fota: jahonaja staronka ŭ instahramie

Kiryła Troska. Fota: jahonaja staronka ŭ instahramie

Kiryłu Trosku 37 hadoŭ, i jon maje vialiki pasłužny śpis. Paśla škoły pastupiŭ u Biełaruskuju dziaržaŭnuju akademiju mastactvaŭ na režysuru. Trochu padpracoŭvaŭ aficyjantam. Skončyŭšy akademiju, Kiryła pajechaŭ vučycca na pradziusara ŭ Maskvu va Usierasijski dziaržaŭny instytut kiniematahrafii.

Padčas vučoby ŭ Minsku Troska źniaŭsia ŭ pary sieryjałaŭ. Paśla na niejki čas asnoŭnym kirunkam jahonaj dziejnaści stała praviadzieńnie mierapryjemstvaŭ — jon byŭ viadučym.

Taksama viadoma, što ŭ roznyja časy Kiryła Troska trochu papracavaŭ na telekanałach «Rośsija 24», «Moskva 24» i «Kultura», rabiŭ dla ich naviny i teleprahramy, a taksama pradziusavaŭ cykł filmaŭ dla kanałaŭ «Nauka 2.0» i «Rien TV». A na 2018-y jon pracavaŭ u kampanii «Rasijski padručnik», jakaja stvaraje poŭny kurs ličbavaha navučańnia dla školnikaŭ u Rasii.

U 2021-m mužčyna zarehistravaŭ kampaniju AAT «Troska hrup», jakaja stała jurydyčnaj asobaj jahonaha ahienctva intelektualnaha pradakšnu TROSKO. Ciarod kirunkaŭ dziejnaści ahienctva — stvareńnie adukacyjnych videa, praviadzieńnie vebinaraŭ i treninhaŭ, arhanizacyja mierapryjemstvaŭ, a taksama praviadzieńnie tendaraŭ. Siarod klijentaŭ kampanii paznačanyja Śbierbank, Samsung, Departamient kultury Maskvy i vydaviectva «Eksmo».

Taksama Troska stvaraje sajty. Jon prapanoŭvaje poŭny cykł vytvorčaści.

U śpisie «dasiahnieńni» na sajcie z reziume paznačana, što jon maje padziaki ad Aparata ŭpaŭnavažanaha pry prezidencie RF pa abaronie pravoŭ pradprymalnikaŭ, kampanii «MAZ Rus» (aficyjny dystrybjutar MAZaŭ u Rasiju) i «za praviadzieńnie Dnia čyhunačnika». Usie padziaki — za praviadzieńnie mierapryjemstvaŭ.

Kiryłu Trosku vinavaciać u tym, što jon vychodziŭ na pratesty i napisaŭ niekalki kamientaroŭ u telehram-čatach. U dopisie HUBAZiK kaža, što jany «pakarajuć usich ananimaŭ», ale nijakim ananimam Kiryła nie byŭ — jahony akaŭnt padpisany ŭłasnym imiem. 

Miarkujučy pa farmuloŭkach u telehram-kanale HUBAZiKa, Kiryłu moža pahražać kryminalnaja sprava.

Čytajcie taksama:

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Jak vydalić akaŭnt u Telegram i stvaryć jaho nanova na virtualny numar — pakrokavy hajd

Za kamientary zatrymali ajcišnika, jaki vydaliŭ telehram-akaŭnt paŭtara hoda tamu. Voś jak jaho znajšli

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?