Na Valancinu Bołbat jašče 29 krasavika vierchniadźvinskija milicyjanty skłali niekalki pratakołaŭ pa artykule 19.11 KaAP (Raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahandu takoj dziejnaści) i častcy 3 artykuła 24.23 KaAP (Parušeńnie paradku arhanizacyi abo praviadzieńnia masavych mierapryjemstvaŭ).

Tady Vierchniadźvinski sud prysudziŭ joj 30 sutak aryštu, milicyjanty adrazu ŭ zale suda ŭziali jaje pad vartu. Ale z žančynaj zdaryŭsia hipiertaničny kryz i jaje advieźli ŭ lakarniu, dzie jana lačyłasia dva tydni.

Valancina asprečyła hetuju pastanovu suda ŭ Viciebskim abłasnym sudzie. 22 traŭnia sudździa abłasnoha suda Śviatłana Ivanova admianiła rašeńnie suda Vierchniadźvinskaha rajona.

Ale paśla spravu hramadskaj aktyvistki pieradali ŭ Navapołacki sud, i 19 červienia ŭ budynku Połackaha suda Valancinu Bołbat zasudzili znoŭ. Prysud vynosiła sumnaviadomaja sudździa Navapołackaha suda Zinaida Bałabołava, jakaja i pryznačyła joj 30 sutak aryštu.

Valancina Bołbat abskardžvała i hetuju pastanovu, ale biezvynikova.

Usiaho hramadskuju aktyvistku ź Vierchniadźvinska sioleta sudzili šeść razoŭ pavodle artykułaŭ 19.11 KaAP i 24.23 KaAP.

Čytajcie taksama:

U Hrodnie zatrymali hramadzianina Turkmienistana za «ekstremizm»

Byłoha palitviaźnia Alaksieja Siańkova, jaki vyjšaŭ u krasaviku na volu, zatrymali i znoŭ buduć sudzić

U Asipovičach zatrymali rekanstruktara. Raniej jon vystupaŭ na «Linii Stalina»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?