Vynas ściaha kadeckaha vučylišča. Fota: «Minskaja praŭda»

Vynas ściaha kadeckaha vučylišča. Fota: «Minskaja praŭda»

«Barysaŭskaje kadeckaje vučylišča Minskaj vobłaści» stvorana na bazie Starabarysaŭskaj sanatornaj škoły-internata. Heta ŭžo druhaja ŭstanova takoha typu ŭ vobłaści paśla Minskaha abłasnoha kadeckaha vučylišča, jakoje znachodzicca ŭ Słucku.

Novaje vučylišča raźmiaściłasia ŭ ahraharadku Starabarysaŭ Barysaŭskaha rajona pa vulicy Astroŭskaha, 1. Akramia školnych pradmietaŭ, u vučebnaj prahramie — asnovy dapryzyŭnaj i strajavoj padrychtoŭki, praktyčnyja zaniatki ŭ voinskich čaściach.

Uračystaje adkryćcio adbyłosia pačałosia z vynasu aficyjnaha ściaha Biełarusi na placoŭku kala centralnaha ŭvachodu ŭ budynak vučylišča i vykanańnia himna. Pra cyrymoniju raspaviadaje vydańnie «Minskaja praŭda».

Kiraŭnik vobłaści Alaksandr Turčyn, ministr abarony Viktar Chrenin i dziaržaŭny sakratar Rady biaśpieki Alaksandr Valfovič na cyrymonii adkryćcia vučylišča. Fota: Minskaja praŭda

Kiraŭnik vobłaści Alaksandr Turčyn, ministr abarony Viktar Chrenin i dziaržaŭny sakratar Rady biaśpieki Alaksandr Valfovič na cyrymonii adkryćcia vučylišča. Fota: Minskaja praŭda

Pavodle słoŭ Alaksandra Turčyna, ideja adkryć vučylišča mienavita ŭ Barysavie źjaviłasia ŭžo daŭno.

«Barysaŭ prosta vielmi ciesna źviazany z Uzbrojenymi Siłami našaj krainy. Tamu dzie jak nie ŭ Barysavie musić być kadeckaje vučylišča.

Niekalki miesiacaŭ tamu, pry naviedvańni hetaha abjekta, było pryniata rašeńnie tut adkryć vučylišča. I litaralna na praciahu dvuch miesiacaŭ byli zavieršany budaŭničyja raboty» — raspavioŭ padrabiaznaści Alaksandr Turčyn.

Va ŭstanovie adukacyi siońnia šeść rekanstrujavanych karpusoŭ: lačebna-adnaŭlenčy błok, dva błoki spalnych pamiaškańniaŭ na 200 miescaŭ, vučebna-administracyjny korpus, charčabłok na 120 miescaŭ. Majecca spartyŭnaja baza: basiejn, stadyjon, valejbolnyja i baskietbolnyja placoŭki, zała lačebnaj fizkultury, spartyŭnaja zała. Zała lačebnaj fizkultury abstalavany spartyŭnymi trenažorami.

Usiaho ŭ vučyliščy sioleta zaličana 140 kadetaŭ, 108 chłopčykaŭ i 32 dziaŭčynki. U 2024 hodzie kolkaść miescaŭ dla navučańnia płanujuć pavialičyć.

Šefami Barysaŭskaha kadeckaha vučylišča stanuć voinskija čaści i padraździaleńni 72 Abjadnanaha navučalnaha centra.

Čytajcie taksama:

«Vajskovaja adukacyja nabiraje papularnaść». U Minsku mohuć adkryć jašče adno kadeckaje vučylišča

Valfovič zajaviŭ, što Rasija zmahajecca nie z ukrainskim narodam, a z nacyzmam, jaki ŭzdymaje hałavu

«Nielha spravicca z nacyzmam biez baraćby ź libieralizmam». Siły, jakija vydajuć siabie za «antyfašystaŭ», praviali kanhres u Minsku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?